LADC Executive Committee Meeting vawi-6 na chu, Pu Manghmunga Chinzah CEM, LADC kaihhruaina hnuaiah June 29th 2021(Thawhlehni) khan Chief Executive Member Conference Hall ah neih a ni.
He hunah hian LADC tana thurel pawimawh tak tak te ngaihtuaha sawihona neih a ni. Hetah hian, Chawngte (P) leh Vaṭhuampui chu Division puitlinga hlanchhoh rem tih a ni a, LADC Executive Committee Meeting vawi 6-na chuan, hun reitak, Assistant Revenue Officer (ARO) ten an lo awp ṭhin, LADC huamchhunga hmun pawimawh tak tak pahnih: Vathuampui leh Chawngte (P)-te chu, Division puitling (Full fledged Division)-a hlanchhoh a remti a. Revenue Officer puitling dah tura hmalak nise, a ti bawk.
Tin, Iron & Steel Dealer-te Tax tihhniam sak remtih niin, LADC huamchhunga 'Iron & Steel Dealer' ten Goods and Services Tax (GST) hnuaia Tax engkim an chawi tawh avangin LADC huamchhunga thir (iron) leh Cement man tlawmzawka mipuiin an lei theih nan Executive Committee Meeting chuan mipuite hamṭhatna atan, Dealer-ten 3% Tax an pek thin chu 2%-a tih hniam sak an rem ti bawk, a ni.
Chumai bakah, Bungtlang South khua chu Village Council-3 a then remtih a ni a.
Bungtlang South khua Village Council pahnih (2) ni thin chu pathum (3) a then nise tih rem tih a ni bawk. Bungtlang khaw huamchin (Village area) pawh zauh (extend) remtih a ni a. LAD lamin chak takin lo bawhzui se, tih a ni.
Pu Manghmunga Chinzah CEM chuan "a kaihhruai LADC sorkar chuan khawilai hmun mah hlam chhiah bik emaw duhsak bik emaw a nei dawn lo va, LADC pumpui hmasawnna tur theih ang angin a ngaihtuah dawn tih a sawi a.
A sawi zelnaah, "Tuichhak–Tuithlang tih ṭawngkam awm leh zauh zauh ṭhinte hi thil ṭhalo tak a ni a, kan khawsakna hmun a zirin kan eizawnnate a dang hret hret lo thei lova, engpawhnise, rualkhai taka hmasawnna hna hrang hrang thawh an tum dawn tih a sawi" bawk.
Post a Comment