Japan khawpui Tokyo-a Covid-19 avanga ‘state of emergency’ puan leh tak chuan August ni 22 thleng a awh dawn a, Olympic Games July ni 23 atanga August ni 8 thleng awh tur chu a tibuai hle dawn a ni.
Tun hnaiah Japan-ah Covid19 a hluar leh deuh avangin Covid-19 tawrh leh ai chuan Olympic Games chu thulh mai ni se tia rawtna leh Games neih tur sawiselna a tam a ni. Olympic Games buatsaihtute pawhin game zawng zawngahentute (fans) khap dan an ngaihtuah mek niin sawi a ni. Japan Minister pakhat chuan bars (zu inna hmun) leh restaurant-ahtechuan zu (alcohol) serve phal a ni lo a ti a, local time-ah dar 20:00-ah khar vek tur a ni a ti.
April atang khan hrik kai tam lo mah se Covid-19 a thawk thar (new wave) a, Japan-ah chuan Covid-19vanga thi zat chu 14,900 vel a ni a, nilaini khan hrik kai thar 2,180 an awm a, 920 chu Tokyo-ah a ni a, May ni 13 hnua hrik kai tam ber a ni. Japanah chuan vaccination pek a muang a, mipui zaa 15 vel chauh vaccine la kim (dully vaccinated) an awm a ni. Delta variant hlauhthawnna a awm a, Osaka chu Tokyo zawha hrik kai thar tamna a ni. Tunah hian UK telin ram 159 atangin Japan luh khap a ni.
Post a Comment