World No.1 Belgium hian R/16ah Champion lai Portugal goal khat faia hnehin q/final an lut a, World No.7 Italy hian Croatia 5-3 a hnehin q/final a lut bawk a. Tun hnaia hnehtu tawng lo ve ve an in hmachhawn dawn a, zanin ah erawh a tlawm zawk an awm ngei a ngai dawn a ni..
Belgium tana thu lungchhiat thlak tak chu an player pawimawh ber ber pahnih an Captain Eden Hazard leh tunhnaia player lar ber pawl Kevin De Bruyne te match pawimawh lai taka an dinhmun a chianglo hi a ni. Portugal nen R/16 an khelh a inhliam Eden Harzard hliam chuan hma a sawn hle nain, zanin chuan a inlan a beiseiawm lo lam a ni a.
PFA Player of the Year KDB phei chu khel thei lo tura ngaih a ni. KDB hian Champions League final ah hliam te nau a neih avangin group match tir lamah pawh chawlhtir a ni a. A khel tam lo nain player ropui a nihna pholangin vawi khat pet goal in, assist vawi 2 a nei. An 2nd keper Mingolet pawh hliam pawh a la dam fel lo bawk a ni. Eden Hazard leh KDB te an inlan theilo a nih chuan Napoli striker Dries Merten leh Atletico Madrid winger Yannick Carrasco ten an hmun an luah a rinawm a ni.
Belgium leh Italy te, tun hi an intawn vawi 23na tur a ni a, vawi 22 an in hmachhawn tawhah Azzurri (Italy) an chung nungin vawi 14 an chak a. Belgium vawi 4 chak ve in, vawi 4 bawk an in draw a ni. Competitive match a Belgium chak chhun chu Euro ’72 qualifying May 1972 ah a ni a, an intawn hnuhnun ber Euro 2016 ah 2-0 in an chak lo bawk a ni. Italy hian Belgium lama goal 43 tilut tawhin, Belgium in goal 24 an pet lut ve thung.
Giant killer Belgium hian tun hnaiah hma an sawnin _Golden Generation_ an hmang mek a, player an tha tlangin tun dinhmun ah chuan team a zawngah hmachhawn huphurhawm ber an ni awm e. Football giant Italy pawh englai mahin an chhe tak tak ngai lo va, 1968 daih a Nomawi an chawi kha Euro 2020ah hian chhunzawm leh an tum ruh hle a ni.
Belgium leh Italy te hi an khelh phung a dangin Belgium hi attacking game khel chi an ni a. Chutih laiin Italy thung chu mahni inveng tak chunga bawh chi, defensive game khelh chi an ni thung a. Mahse, an game in an loh vang hian an inkhel erawh a hmuh nawm loh phah hauh dawn lo tih i hria ang u.
Defensive game khel thang tih takah Bonucci te, Di Lorenzo te ho an rintlak hle a, inhliam avanga match 2 chawl ta an Captain rorum Giorgio Chiellini pawh Lukaku hmachawn turin a hmel kan hmuh a rinawm a ni. Midfield General Pirloa’n ho thei tawh lo mahse, Chelsea defensive midfielder Jorgino chuan a hna a tlinin, a hma tawng Lazio striker chhuanvawr Ciro Immobile te, Lorenzo Insigne (Napoli) leh Dominics Berradi (Sassualo) te an ngaihtuahawm lo hle a ni.
Belgium midfielder Thomas Meunier te, Axel Witsel leh Thorgan Hazard an in man tlang hle a, Portugal nena an khelh khan Thorgan Hazard hian a khel tha in Player of the Match ah thlan a ni a. An chakna goal a thun mai piah lamah a pass pawh za a 83% laiin a dik (accurate) a ni. Belgium leh Italy a khawi zawk zawk pawh hi puanthuah tel mai atan chuan an uihawm hle dawn a ni..
- biakthansanga khiangte
Post a Comment