Mizoram sorkar leh private hnuaiah Covid-19 hri danna nimin thleng khan mi nuai 4 sing 1 & 6,368 pek chhuah tawh a ni.
Covid 19 hri danna pek chhuah tawh zinga a tam zawk 4,16,033 chu sorkar hmalaknaa pek chhuah a ni a. Hemi zingah hian kum 18 atanga kum 45 inkar tana hridanna pekchhuah tawh zat chu 1,13,493 niin kum 45 leh kum 59 inkar tan dose khatna 1,37,953 leh dose hnihna 4,804 pek chhuah tawh a ni a.
Kum 60 chunglam tan hridanna hi dose khatna 58,713 leh dose hnihna 18,337 pek chhuah tawh a ni. Damdawi lam hnathawk te tana pek chhuah tawh hi dose khatna 16,054 niin dose hnihna 11,686 a ni a. Front Line Worker tan dose khatna 36,303 leh dose hnihna 18,690 pek chhuah tawh a ni bawk. Heti hian sorkar pek chhuah bikah hian dose khatna pekchhuah tawh zawng zawng hi 3,62,516 niin dose hnihna chu 53,517 pekchhuah tawh a ni.
Private hospital hrang hrangin Covid-19 hri danna an pek chhuah tawh dan hi zirtawpni thleng khan 335 niin hengte hi kum 18 leh kum 44 inkar tan hri danna 306, kum 45 leh 59 inkar tan 26 leh kum 60 chunglam tan 3 te a ni. Heti hian zirtawpni thleng khan Mizoram pumpuiah Covid-19 hri danna pek chhuah tawh hi sorkar leh private hnuai chhiarin dose khatna la tawh mi 3,62,851 leh dose khatna leh hnihna la kawp tawh mi 53,517 an ni a. A vaiin hri danna pek chhuah tawh zat hi 4,15,368 a ni.
Post a Comment