Aizawl June 22 : Committee on Utilization of Chief Minister's Relief Fund for COVID-19 ruahmanna in Thutak Nunpuitu Team, Zuangtui, Aizawl a COVID-19 hri avanga harsatna tawh mek chhawk zangkhai nan nimin khan CM Relief Fund for COVID-19 atangin cheng nuai thum pek a ni. Tanpuina hi Pu Lalfamkima, Addl. PS to Chief Minister chuan Chief Minister aiawhin a hlan a, Pu H. Vanlaldika, Director, TNT chuan a lo dawng a ni.
Niminpiaha TNT a Rapid Antigen Test hmanga COVID- 19 test naah tukin thleng khan mi 528 in hri an vei tih hmuhchhuah a ni a. RAgT Test runpui neih zawh hian Chief Minister, Health Minister leh Chairman, MOT te ruahmannain TNT atana Covid Care buaipui dan tur ngaihtuah nghal a ni a. Nizan vek khan Covid-19 Medical Operational Team kaihhruaina hnuaiah a bika TNT vil tur ruat nghal niin, TNT chu Community Covid Care Centre atana puan nghal a ni bawk. Nimin khan Aizawl DC chuan Thutak Nunpuitu Team (TNT Camp), Muanna Veng hi Containment Zone- aah a puang nghal a ni.
Central YMA pawhin TNT tan hian cheng sing 5 an pe a, mimal leh pawl ang te, YMA branch tanpuina pe duh tan pawh anmahni kaltlanga pek theih anih thu an sawi a ni.
Post a Comment