Ka thu chhiar chuan ka thinlung a dek thuk hle a, ka taksa pumin min fan a, ka mittui a rawn parawl á¹­iam á¹­iam a, ka thinlung a den nat em avanga ka mittui far chu ka dang hmanlo a ni ber mai. Beisei let nei miahlo tih hriat taka mahni nihna inthup, mamawhtu tana a neih sum pe phaltu thinlung khan min hneh em em a ni.

Ka thu hmuh chu hei hi a ni a.

_"....Hripui avangin mi tam takin an hmangaihte an chan a, kei erawh Pathian humhimna changin ka pianchampha lo thleng chu dam taka hmuhtir ka la ni a; hripui avanga nunna chan leh chhuanchham an awm tawh laiin keichu á¹­anpuina mamawhtute tana luangchhuak thei dinhmunah dintir ka la ni. Mamawhtute tana luanchhuahna kawng inhawng chu ka bawhpelh phallo a, á¹­anpuina mamawhtu ten malsawmna tlem tal an chan theih nan ka pianchamphaphak pualin ka neih sum tlemte hi ka hlan e...."_ tih thu hi a ni.

A ni tak a, hripui leng kara Pathian humhimna leh malsawmna kan dawn nasatzia hi ngun takin chhiar ila, sum leh pai tam tak senga inenkawl ngaite leh nunna hial chante insenso nasat tawhzia han chhut hian kan vanneihna man tamzia a lang fiah em em a. Pathian humhimna kan dawn hlutzia leh man tamzia chhut thiamte chuan Pathian hnena lawmthu sawi nan mamawhtute hnenah an lo luang chhuak á¹­hin a lo ni.

Vawiin tlaia ka thu chhiarin min hneh em em-na chu, CMRF for COVID-19 atana sum thawhtu hmingthupin mamawhtute tana luangchhuak thei tura Pathian humhimna leh malsawmna a dawnte a chhiar thiam leh, luanchhuahna kawng inhawng a bawhpelh phallo lai kha a ni. Malsawm dawnna hnar hrechiangtu leh a malsawm dawn chhiar thiamtu chuan malsawmna nih let ve theih dan kawng a hmuhin a bawhpelh ngailo a lo ni reng mai.

Indopui II-na hun laia German-Dutch diarist lar Anne Frank khan, "No one has ever become poor by giving," tiin a lo sawi a. "Pek avanga rethei ta an la awm lo," tihna ni a, a dik hlein a hriat. Kan luanchhuahna kawngka leh bawm chu khawiah pawh ni rawh se, "Pekah Pathian i hneh ban thei lo ang," tih hla ang khan, mamawhtute tana pe chhuak hnem te hian malsawm an dawnna Pathian hi pekah an hneh ban theilo a, malsawmna pek belhin an awm zawk á¹­hin a ni.

Phut let nei hauhlo tih hriat taka hmingthup tlat, a pianchampha puala midang tana luangchhuak duh, CMRF atana a neih sum petu thinlung khan min hneh takzet a ni.

________________________

Grace-i Pa, Zarkawt

Post a Comment

Powered by Blogger.