Lawngtlai June 5 : Nimin khan Singapore Budhish te chuan Chawngte a, Budhish te kal tlangin, hri dona a hman atan, Saizawh West VLTF hnenah Rs. 2000/- leh, chhungkaw khawsak harsate hnena sem tur, Buhfai bag 6 an pe a, chhungkaw 28 hnenah buhfai hi sem a ni.
Saizawh West VLTF Chairman, Pu V. Lalthangzuala chuan, "Hun khirh tak kan tawh laia hmun hla tak atanga ngaihsakna leh thilpek hlu tak kan dawng hi kan lawm tak zet a ni" a ti.
Lawngtlai District, CADC Area a awm, (Zo khua) Saizawh West ah hian chhungkaw 100 vel an cheng mek a, Covid -19 hrileng laka an him theih na turin ngawrh taka duty in siamin hma an la mek a, Chawngte Civil SDO Dr. Manesia Khaimeichho pawhin tlawhin a ngaihven reng bawk a, tun dinhmunah harsatna lian tham an la tawk lo.
Post a Comment