Lawngtlai 09.06.2021 : Vawiin hi Green LADC Day a ni a. KMMTTP road ah thing tiak 250 phun a ni. Hri laka kan him theihna turin mitin te kan fimkhur a ngai hle a. Sorkar ruahmanna hi sawisel tu ni lova, a zawmtu nih i tum hram hram ang u.
1. Vawiin tlai dar 3:20 khan vanduaithlak takin Pi Ngunzaliani (37), Phungchawnga khawsa mek chu Covid-19 vangin ZMC-ah a boral. June Ni 7 ah hri kai tih hriat a ni a, hemi ni vek hian ZMC-ah admit a ni a. Amah hi rilpui cancer a ni.
2. Vawiin khan Covid-19 vei enkawlna hmun atangin mi 122 an chhuak. Aizawl -71 Lawngtlai-13, Lunglei -28 ,Kolasib-5 leh Siaha District -5
3. Vawiin khan Mizoram Rural Bank chuan Tv Lalrinsanga Tlau, WBC Youth Super Feather Weight Champion nilai leh Boxer Pu NT Lalbiakkima te chu an kalzelna tura senso phuhruk nan sum fai Rs 50,000/- ve ve an hlan a. Boxer te hian MRB promotion sum hi MRB Chairman Shri V.Jaya Chandra hnen atangin an dawng a. He hun hi Sports Minister Pu Robert Romawia Royte chuan a Office Chamber-ah a lo thleng a ni.
4. Chhiat rupna (disaster) a lo thlen thulha felfai leh rang zawka enfiah hna leh chhawmdawl hna kalpui a nih theih nana Lawngtlai khawpui chhung veng hrang hrang bialtu tura ruat Zonal Officer-te chu vawiin khan Lawngtlai Additional DC Pi Marilyn Rualzakhumthangi hovin a office chamber-ah an thu khawm.
5. Vawiin atangin Siaha district in a vawi khatna atan Pneumaonia laka naupangte venghim theitu Pneumoccocal Conjugate Vaccine (PCV) programme kalpui tan a, kalpui tanna programme hi Dr.C.Hnichho,CMO in hawngin, New Siaha Sub Centre-ah vawiin pek nghal a ni.
6. Lunglei DC Pu Kulothungan A, IAS hmalakna in India ram chhung hmun hrang hrang-a NGO foundation/Company/Corporation te atangin CSR kaltlangin Lunglei District bakah chhim lam mipuite tana hlawkpui leh tangkaipui theih tur Medical lam kaihhnawih bungraw hrang hrang dil a ni a. Heng zingah hian ACT Grants & Swasth Alliance, New Delhi atangin Oxygen Concentrator sawmli (40) leh BiPAP Ventilator paruk (6) a thawn man te nen cheng nuai sawmnga (Rs. 50,00,000/-) man hu dawn a ni a. Hemi bakah hian O2 for India Org atangin Oxygen Concentrator panga (5) a thawn man te nen cheng nuai ruk (Rs. 6,00,000/-) man hu dawn bawk a ni.
7. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 21 manin, he'ng an mi mante hi pawisa Rs 2,100/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 1,079 man tawh niin, pawisa chawitir zat hi Rs 1,26,950/- a tling tawh a ni.
8. Vawiiin khan Lawngtlai District ah Covid-19 positive 23 hmuhchhuah thar an ni a, Chawngte Area-ah 22 leh Lawngtlai centre ah pakhat (1) an ni ni a. Mipa 10 leh hmeichhia 13 an ni.
9. Vawinah LSA Lawngtlai atangin, Myanmar Raltlan Bualpui(Ng) khawchhunga mite tanpui nan Buhfai bag 20 leh Alu bag 2 an hlan
Post a Comment