Lawngtlai 01.06.2021 : Vawiin ni 1.06.2021 Pathian khawngaih zarah kan lo thleng leh ta reng mai. Kumin hian Ni 366 awmin NI 151 kan lo hmang zo leh ta reng mai. Kan hun tam zawk chu Covid-19 hri leng avangin kan buai a. He hri laka kan him theihna turin sorkar thupek kan zawm hram hram hi a ngai tak zet a ni, Vawiin lama Lawngtlai District leh hmun thenkhat a thil thleng thenkhat te lo tarlang leh dawn ta a ila.
1. Vawiin khan District hrang hranga Covid-19 vei enkawlna hmun atangin mi 101an chhuak a, Lawngtlai District ah mi pakua an tel a ni.
2. Vawiin hian vanduaithlak takin Mizoram ah Covid-19 avanga nunna chan pathum an awm a. Chungte chu Pu R.Lalduhzuala (40) Lungdai chu zing dar 7:20 khan ZMC ah Covid-19 Pneumonia avangin a boral a. Pu Vanlalvuana (65), Chhingchhip chu dar 4:45 pm khan ZMC ah Covid-19 Pneumonia vangin a boral bawk a. Tin, zanin dar 8:30 khan Pu Hauhnuna (76), Electric Veng Aizawl chu ZMC-ah Covid-19 Pneumonia avangin a boral bawk.
3. Tuna Covid-19 atanga vei mek te enkawlna tur Mizoram sawrkar suma lei ventilator chu Mizoram a lo thleng fel ta.
4. Kan hriattheih chin ah vawiin khan Lawngtlai District ah Covid-19 positive sawmhnih (20) hmuhchhuah thar an awm leh ta.
5. Vawiin khan Rev Lalhmingchhunga Jongte chu vuina hun hman a ni a. Hemi rual hian a lehkhbu ziah ‘Mizo Buanpuite’ tih chu tlangzarh nghal a ni a.
6. Health & Family Welfare department chuan vawiin khan thuchhuah siamin Lungleiah RT-PCR Laboratory bun tura hma an lak thu a hnuaia tarlan ang hian an saw
7. Khawtlangah Covid-19 hri inkaidarh a awm avanga May ni 5, 2021 atanga tlawhpawh phallohna hmun 'Containment Zone' a puan, Indo-Myanmar ramri dep Tiau kama awm Zokhawthar khawtlang hnenah vawiin chawhma khan Chief Minister's Relief Fund kaltlangin tanpuina pawisafai Rs 1,50,000/- (Nuaikhat singnga) hlan a ni.
8. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 21 manin, he'ng an mi mante hi pawisa ? 2,100/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 783 man tawh niin, pawisa chawitir zat hi ? 96,500/- a tling tawh a ni
9. Vawk pul hri hlauhawm African Swine Fever (ASF) leng mekah vawiin khan vawk leh vawkte 76 a thih belh leh a, heti hian ASF vanga Mizorama vawk thi zawng zawng chu 4,917 a tling tawh a ni.
10. Dr Pachuau Lalmalsawma hian Mizorama COVID19 dinhmun tarlangin, COVID-19 hrileng thawh khatna- March, 2020 atanga March, 2021 chhungin positive 6131 hmuhchhuah niin mi 11 in an thihpui a, a thawh hnihna April leh May thla chhungin positive 7923 hmuhchhuah an ni a, thihpui mi 30 an awm a ni.
11. ZMC Covid-19 Task Force Nodal Officer Dr PC Lalramenga chuan COVID19 enkawlna bik ZMC ah tun dinhmunah an enkawl zawh tawk damlo an kawl mek a, case a pun erawh chuan harsatna a awm thei a ni a ti
12. Chief Minister Pu Zoramthanga chuan Prime Minister Narendra Modi hnena twitter kaltlanga ngenna siamin Central India lamah hrilengin kian lam pan mahse NE state hrang hrangah ala darh nasa hle a ti a. Kum 18-44 inkar vaccine pek kawngah pawh harsatna an tawk tih sawiin Prime Minister hnenah Mizoram chhunga vaccine la hmanlo ten Vaccine an lak theih nan Central sawrkar chu vaccine leisak turin a ngen.
Post a Comment