Oxygen Concentrator leh Oxygen Cylinder
Medical oxygen mamawhna in ziaawm lam aia zual lam a pan chhoh char char avangin state tam takin buaina an tawk a, oxygen mamawhna tiziaawm turin oxygen concentrator- te chu khawl ngaihven hlawh tak an ni ta. Medical oxygen te hi cylinder a thun sa an ni tlangpui a, concentrator-te erawh cylinder tel lo an niin a zawh hnuah thun leh ngai an ni ve lo. Oxygen concentrator hian boruak la lutin oxygen chu a thliar hranga, hei hi a mamawhtu hnenah a thawkna dawt kal tlangin a pe lut thin a ni. Boruaka 79% nitrogen leh 21% oxygen atangin concentrator chuan 95% oxygen a pe chhuak thei a ni.
Thawk harsatna neia oxygen lakluh zat a tlakhniama, a tehna a 90% aia hniama a tlak chuan pawn lam atanga puitu neih a ngaia, oxygen hip hian nasa takin chuap a puia, amaherawhchu, hei aia nasa zawka oxygen mamawhna a awm chuan oxygen hlang 99% deuhthaw pek a tul hunah erawh chuan oxygen concentrator hi rinrawla neih theih a ni lo thin. Concentrator-ah hian compressor leh a thlifimtu a awma, compressor chuan boruak awmsa chu nasa taka nem mukin a thlitfimnaah a nem lut ta a, a thlitfimna hi Zeolite hmanga siam niin hei hian nitrogen chin chu a thliar hrang ve leh a, hetiang hian thlitfimna pahnih atangin pakhat chuan oxygen chu hip theih turin a pe chhuaka, hetih lai hian hip luh atana tangkai ve lo nitrogen pawh thlit chhuah anih hnuah chuan paih chhuah a ni zui ve leh a, hetianga hna thawk reng hian mihring hip turin oxygen chu a insiam reng thei a ni.
Concentrator hi a siamtu hrang hrang an awma, an siam dan a inang vek lova, an hnathawh dan pawh a inang vek lo bawk a, oxygen an pek chhuah zat inang lo karah Covid 19 vanga damlo enkawlna atan chuan 5L-10L pechhuak thei te chu an hmantlak viau ni a sawi a ni. A pawimawh berah chuan oxygen hlang 90% tal a pe chhuak thei tur a ni a, heng khawl man pawh hi a inthlauin a danglam thei viau a ni. Oxygen pek chhuah danah pawh a ngai renga oxygen pe chhuak thei a awma, tin, a hip tu in a hip rual chiaha a hip tur zat pe chhuak zeuah tawp leh nghal thei te an awm a ni.
Oxygen cylinder leh Oxygen concentrator te hian oxygen an pek chhuah ve ve laiin cylinder hi hriat lar zawk a ni reng thina, India-ah pawh cylinder hi hman tlanglawn zawk ni mah se tunah hi chuan concentrator hi a hmanna a tamin indaih lohna pawh a nasa ta hle a ni. Oxygen cylinder hi chuan thun chawp leh zo thei oxygen a nei a, a mamawhtuin a hip zawh chuan a dang a ngai leh thina, concentrator hi chuan a khawl tinungtu battery/current a neih chhung chu hna a thawk thei a, pindan boruak tih danglamna atana hman thin air conditioner ang hi a ni deuh ber ang. Hei vang hian oxygen concentrator te hi an rintlak a, oxygen a pek chhuah hi a khawl that chhung chu a zawh ve dawn loh avangin cylinder ai hian hman a remchan bakah cylinder te hi phui lo leh chetsual palh theihna te a thlan theih bawk avangin oxygen put ru leh bur phui lo awm ve lohna hi a mamawhtu a zirin mi tam takin an hman chhan a ni ve fo a, amaherawhchu, concentrator-te hian oxygen pek chhuah theih chin an neih avangin oxygen mamawhtu mamawh zat pek zawh loh an nei thei a, tih danglam theih loh a nih chuan oxygen lakna tur dang a ngai thin. Heng hi oxygen cylinder-ah hi chuan a awm ve lo thunga, oxygen thun sa a awm chhung chuan a mamawhtu mamawh zat a danglam anih pawhin harsa lovin a awm sa atangin a tih danglam theih mai thin.
Post a Comment