** Manchester City-in lak an tum mek Aston Villa leh England midfielder Jack Grealish, 25 chu Chelsea chuan chuhpui an tum dawn an ti.
    ** France striker Kylian Mbappe chuan Paris St-Germain hotute hnenah chhuah a dil a, kum 22 mi hian Ligue 1 club tan kum khat bak contract a nei tawh lo an ti.
    ** Manchester City-in Harry Kane, 27 lakluh an tumna kawngah a man su thla then turin winger Raheem Sterling, 26 zawrh mahse Tottenham a pan kher lo mai thei an ti.
    ** Chelsea chuan Borussia Dortmund atangin Norway striker Erling Braut Haaland, 20 an la thei lo a nih chuan Villarreal tana khel mek Spain forward Gerard Moreno, 29 lam hawi an tum an ti.
    ** Real Madrid chuan Spanish centre-back Raphael Varane, 28 chu Manchester United lamah an chhuahtir dawn a, a man su hniam tur hian Reds chuan French midfielder Paul Pogba, 28 pek tel an huam an ti.
    ** Tun thla tawpa a contract zo tur Spain defender Sergio Ramos, 35 chuan Manchester United leh Manchester City pan tum lovin Paris St-Germain a zawm zawk dawn an ti.
    ** West Ham United chuan Fiorentina goalkeeper Bartlomiej Dragowski, 23 chu nipui bazar hunchhung hian lakluh an tum a, Tottenham pawhin Poland international hi an ngaihven an ti.
    ** Arsenal chuan Brighton atangin England defender Ben White, 23 an lakluh hnaih tak avangin French centre-back kum 20 mi William Saliba chu an hralhchhuah a rinawm an ti.
    ** Leeds boss Marcelo Bielsa chuan Huesca tana khel mek left-back Javi Galan chu a duh a, mahse Spaniard kum 26 mi hi Atletico Madrid leh Sevilla te pawhin an um zui mek an ti.
    ** Liverpool defender Nathaniel Phillips chu Brighton, Burnley, Newcastle United leh Southampton ten an inchuh mai thei an ti.
    ** Barcelona chuan tun nipui bazar hun chhung hian Brazilian midfielder Philippe Coutinho chu an chhuahtir dawn a, Everton leh Arsenal te chuan kum 29 mi an thlithlai ve nghal an ti.
    ** Club tam takin an duh English midfielder kum 26 mi Jacob Murphy chuan Newcastle tan kum khat bak hun a nei tawh lova, Magpies chuan hun rei zawk cham tura contract pawhsei sak an tum mek an ti.
 

Post a Comment

Powered by Blogger.