Argentine striker Nicolas Gonzalez chuan Bundesliga club Stuttgart atangin Fiorentina a zawm a, kum nga daih contract a ziak


    Tarlan dan chuan Serie A side Fiorentina-in euro maktaduai 23 sengin an la lut a, player tan bonus an tiam bawk. Kum 23 mi Gonzalez hian season thum Stuttgart-ah hun a hmang a, tun kum kalta khan hliamin a tibuai hle a, February atanga May chhungin vawi khat chiah a khel.


    2020-21 season tir lamah vawi 15 chauh khelin goal ruk a khung a. Kum 2019-20 season-ah goal 14 thunin Bundesliga-a awm zui theiin Stuttgart a tanpui a, German club-a awm chhungin tum 79 a khelh atangin goal 23 a khung.


    Fiorentina-in coach a dap mek a. Napoli atanga chhuak Gennaro Gattuso nen inremna siam hman mah se kar thum hnuah an inthen leh a, club kalphung leh player lakna tura sum hman chungchangah buaina an neih vang niin an tar lang.

Post a Comment

Powered by Blogger.