EURO 2020 THLIRLAWKNA - ITALY SQUAD

     Italy hi major tournament a awm apiangin team tha berte zinga mi an nih loh tum pawhin dah hniam theih an ni ngai lo. Tun tum pawh hi an squad a ropui ber  tuma chhal ngam ni chiah lo mahse champion tura rinkai zingah an la tel pha tho. Euro bikah hian 1968 khan nomawi chawiin, hemi hnua final vawi 2 an khelh – kum 2000 leh 2012 ah te erawh a tlawm zawkah an tang.

    FIFA World Cup hnuhnung bera an inlan phak loh hnuah club lian enkawl thang Roberto Mancini la lutin an hmasawnna a zuang nghal a, Euro qualifiers khelh zawh takah khan hnehna chang vekin chiang takin Euro khel turin an inpet tling. Hei mai ni lo vin September 2018 atang khan hneh loh an la tawng lo va, game 26 zet tlawm nei lo an nih tawh vangin champion thei tur khawpa team boruak tha leh kal tluang lai an ni.


    Euro hmasaa khel player  7 an koh leh zinga mi Chiellini ho vin tlar hnungah tawnhriat nei tha dang Bonucci bakah Florenzi te ho an ding dawn a, tunhma atangin Azzur i innghahna hi tlar hnung rem phui that a nih vangin eng tik lai mahin an pan tak tak ngai lo.


    Mual laia khel tur Jorginho leh Verratti te an kawl bawk avangin zuam ngawt theih an ni dawn lo. Verratti hi Mancini game plan-a player pawimawh niin season tawp lamah hliam mahse ngai a awh hman beisei a ni. Tlar hma lamah tawnhriat nei tha leh European Golden Boot vawi 2 dawng tawh Immobile, tun hnaia langsar thar Chiesa bakah tawnhriat nei tha Insigne an kawl a. Belotti hi club lian ho melh rawn thin kha niin, Raspadori hi Euro khel tura koh a nih hma khan ram tan a inlan ngai lo thung.


    An vanneihna tur chu group match zawng zawng hi Rome khawpuia Stadio Olimpico-ah an khelh vek dawn avangin stage sang zawk thleng turin an dinhmun a tha lehzual a. Italy a enkawl hnu kum 3 chhung vela ram tana khel tura player 60 chuang zet ko tawh Mancini hi club level-a manager hlawhtling niin international-ah fiahna a paltlang a ngai dawn a ni.


Goalkeepers: Gianluigi Donnarumma, Alex Meret, Salvatore Sirigu
Defenders: Francesco Acerbi, Alessandro Bastoni, Leonardo Bonucci, Giogino Chiellini, Giovanni Di Lorenzo, Emerson Palmieri, Alessandro Florenzi, Leonardo Spinazzola, Rafael Toloi
Midfielders: Nicolo Barella, Bryan Cr istane, Jorginho, Manuel Locatelli, Lorenzo Pellegrini, Stefano Sensi, Marco Verratti
Forwards: Nicolo Belotti, Domenico Berardi, Federico Bernardeschi, Federico Chiesa, Ciro Immobile, Lorenzo Insigne, Giacomo Raspadori

Post a Comment

Powered by Blogger.