Lawngtlai 09.06.2021 : Vawiin Ni 09.06.2021 hian Green LADC Day hman niin Kaladan Multi Modal Transit Transport Project kawngpui kam ah thing tiak an phun.
Ni 5.June,2015 atang khan Green LADC Day hi hman tan a ni a. Thing tiak hi 1500 dawn an phun tawh a ni. Kumin pawh hian Green LADC Day hi hmang chhunzawm leh in KMMTTP road ah LADC a Department hrang hrangte’n thing tiak 250 an phun a ni. Heng thingphun te hi a puitlin hma chuan a phun tu department te’n an enkawl chhunzawm ang.
Lai Autonomous District Council a Chief Executive Member Pu Manghmunga Chinzah chuan, kan ram a kang nasa hle a. Ramngaw tha kan neih loh chuan kan ram hi chenna tlak ah kan chhuah lo palh ang tih a hlauhawm hle a. Chuvangin, thing phun kawngah ram mipuite tan kan lak thar hle a ngai a ni, a ti.
Kan ram hi kan tu leh fate tan chenna tlaka kan siam theihna turin thing kan phun te hi enkawl chhunzawm zel hi kan tih tur pawimawh ber ah kan neih a ngai hle ani, a ti bawk.
Green LADC Day ah hian Thing tiak phun hnatlang neih hmain Department hrang hrang te’n hetiang hian thu an tiam a ni.
Lairam zimte hi Pathianni Laifate luah atana ramri min kham sak chin a ni a, kan ram neih chhun a ni tih ka pawm a
He khawvelah hian ramngaw leh thilsiam dangte hi inmamawh tawn vek kan ni a,Ramngawte hi boruak thianghlim min petu, khawlum zel tur laka min vawnghimtu, kan tui hnate min siamsaktu leh kan ram timawia, tinuam tu ani tih ka pawm bawk a.
Chuvang chuan, vawiin atang hian India khua leh tui ka nihna ang leh Lairam neitu ka nihna angin kan ram thing leh naute hi duat taka enkawla, humhalh tur leh a tam thei ang bera thing phun tur leh midangte pawh zirtir zel turin ka intiam tlat e.
Kumin hi hri leng avangin duh ang in Green LADC hi hman theih a ni lova. Sorkar in SOP a siam zawm chung zelin Department hrang hrangte hian thingphun hnatlang hi an thawk a ni.
Post a Comment