ERIKSEN VANGA INKHELH TITAWP CHU CHHUNZAWM LEH NIIN, FINLAND IN 1-0 IN DENMARK AN HNEH
Euro 2020 bul an tanna-ah Finland nen an inkhelh laiin nikhawhrelovin Denmark midfielder Christian Eriksen a tlu a, khel zawm lova inkhel an titawp hnuah an chhunzawm leh.
Danish Football Association chuan damdawi in panpui anih hnuah a tho harh tawh tih an sawi a, tournament buatsaihtu UEFA chuan a dinhmun a tha tih an tarlang bawk.
Inrinni zan hian Denmark-in an ram khawpui Copenhagen-ah tournament bul an tan a, chawlhlawk hma lawkin kum 29 mi Eriksen chuan harsatna tawkin khelmualah a tlu a, refree Anthony Taylor chuan damdawi lam thiamte ko lut nghalin Inter Milan midfielder an bawihsawm a, oxygen pein an zawn chhuah laiin a thu thei tawh a ni.
Thuneitu, inkhel thununtute leh team pahnih hruaitute an inrawn khawm hnuah inkhel an titawp lailawk a, inkhelh tan leh hun tur an ngaihtuah zui tur thu an sawi bawk. Thil a thlen hlimah player-te hrilh a haiin midang khelmuala awmte pawh nghawng hle tih a lang.
A dinhmun a ngaituahawm loh avangin chawl rei lovin an chhunzawm a, an khelh tawh chinah goal a la lut lo a. India sanaah zan dar 9:3-ah an khel tan a, minute 43-na a kal mek tihin an titawp a. Zanlai dar 12-ah an chhunzawm leh a, Mathias Jensen chuan Eriksen a thlak a ni.
Inkhelh chhunzawm leh a ni a, boruak erawh a hma ang a ni thei tawh lova, mahse team pahnih te atangin inkhel hmuhnawm tak kan hmu thei ta tho a ni.
60mins khelh tlin anih hma chiahin Finland hian hma an hruai am goal khungtu hi Joel Pahjanpalo niin, hei hi inkhela goal lut awmchhun a ni a. Finland-n point thum an hlawhchhuah phah bawk. Denmark hian penalty an hlawhchhuaka, an si phurh sutna hun tha zet nei mahse, an penalty hlawhchhuah chu goal-ah an chan tir zo lvoa, 1-0 hian inkhel a zo ta a ni.
Post a Comment