ZPM PARTY ṬHALAI HQ- 2021/PR/41
Dated: 1st May, 2021.
PRESS RELEASE.
CHIEF MINISTER-IN COVID-19 DO KAWNGAH THU DIK CHAUH SAWI RAWH SE.
Chief Minister Pu Zoramthanga chuan, 28.4.2021 khan a instagram account aṭangin Delhi Mizo-te tân thlamuanna thuchah a sawi rualin, Vasant Vihar, Delhi-a Mizoram House chu damlote dahna turin ICU anga function thei turin Mizoram sawrkâr chuan hma a lâk nghal tur thu a târlang. Amaherawhchu, Delhi Mizoram House enkawltute chuan sawrkâr aṭangin thupêk leh hriattirna engmah an dawn loh thu an sawi thung a; chutih rual chuan, GAD-a thawkte pawhin official-in engmah an la hriat loh thu an sawi bawk.
Mizoram leh India ram hmun hrang hranga chêngte'n hripui lêng vanga harsatna namênlo kan tawh laia, Chief Minister berin a tihdan phung pangngai a, a mumang leh suangtuahna ram a rawn thlasik mau puah chhuah leh phawng mai hi, ZPM ṭhalai chuan awm ang lo kan ti a, India ram mai bâkah, Mizoram pawh dinhmun ṭha lo taka kan awm lai hian Chief Minister hian a tihhlawhtlin theih nghâl mai loh tur thu sawi a phûl chiam rih lo tur leh, mipuite hnenah beiseina beidawnthlâk siam sak lo turin kan ngèn a; mipui damlo leh mangangte hi tihder tlâk kan awm tawh lo tih hriain, thu dik chauh sawi tawh tur leh, Delhi Vasant Vihar-a Mizoram House pawh a sawi ang ngeia I.C.U anga function tir vat turin Mizoram Chief Minister Pu Zoramthanga chu kan ngèn a ni.
Sd/-
(PAUL LALRAMLIANA)
Secretary
Publicity Department
Post a Comment