VLTF LAWNGTLAI VENGPUI HRIATTIRNA
_Dated Lawngtlai the 31st May 2021_
Inkhuahkhirhna chungchanga ngenna leh hriattirna.
June 1-7, 2021 chhunga Lawngtlai District chhunga Sawrkarin Inkhuahkhirhna a kalpui tur chungchanga Lawngtlai Vengpui inkaihhruaina tur :
1) Loh theih lohna avang a nih loh chuan mahni In leh compound chhuahsan loh tur a ni a. VLTF phalnaa chhuahsan turte pawhin face mask an vuah ngei ngei tur a ni.
2) Vengchhungah VLTF hriatpuinain eichawp dawr hawn phal a ni a. Amaherawhchu zing dar 6 aṭanga tlailam dár 5pm thleng bâk phal loh a ni.
3) Nitin Bazar hawn a ni dâwn a (Chawhmeh inpho - 6am to 10am, Dawr dang - 10:30am to 4:00pm),* amaherawhchu Bazar kal tur te'n VLTF-ah hmundanga chhuah phalna lehkha dil hmasak phawt tur a ni. Chhuah phalna lehkha hi VLTF Office-ah zing dar 8 aṭangin dil theih a ni a. *Tin, whatsapp hmang kan awm a nih chuan chhuah phalna hi phone hmanga dil turin kan inngen a, phalsak kan nih chuan softcopy/photocopy in kan inpe zel ang.
4) Thlai hnah leh rah zuarte'n hmundanga zuar lovin vengchhungah zuar hram hram turin kan inngen a, heng chawhmeh zuarte hi dawr ṭheuh turin kan inngen bawk e.
5) Hmundanga zin veivah phal a ni lo a, damlohna leh chhiat tawh thilah erawh VLTF phalna dil theih a ni.
6) Vengchhungah VLTF hriatpuinain hnathawh phal a ni a, amaherawhchu hmunkhatah mi 5 aia tam thawh phal a ni lo a, mi 5 aia tam thawh ngai kan awm chuan Zonal Officer hnenah dil hmasak tur a ni.
7) Lo leh huan lama hnathawh phal a ni a, amaherawhchu heng hnathawkte hi khawpui chhungah veivah phal a ni lo.
8) Mitthi in leh Inneihnaah mi 30 aia tam tel phal a ni lo.
9) Hmundang aṭanga rawn haw tur te'n an lo haw hma nikhat la awmah VLTF-ah hriattir hmasak tur a ni.
10) Thil pawimawh avanga veng pawn aṭanga vengchhunga rawn lut tur te'n an veng VLTF phalna lehkha an nei tur a ni.
11) Colony khat leh ṭhenawm khawveng inlenpawh kan la awm leh ṭhin a, mahni in Compound pela midang/ṭhenawmte ina lêng lo turin kan inngen nawn leh bawk e.
12) Zan dár 7 aṭanga zing lam dár 4 inkar hi Curfew a nih avangin hemi hunchhung hian eng vang mahin khawlaiah chhuah phal a ni lo a, zanlam chhuah phalna pawh chhiat tawh thil lo ah chuan dil loh tur a ni.
13) Vengchhunga Auto-Rickshaw leh Taxi khalhte service theih a ni a, amaherawhchu vengdang Stand-a din phal a ni lo a, Vengpui Mual leh Christian Hospital bulah din theih a ni ang.
14) Inkhuahkhirhna thlah dul a nih avang hian fimkhur a ngai nasa sauh sauh a, ṭul tawpkhawk lovah chuan hmundanga chhuak lo turin kan inngen nawn leh e.
VLTF LAWNGTLAI VENGPUI
Post a Comment