Lawngtlai 16.05.2021 ::Vawiin 16.05.2021 a Lawngtlai District leh District dang a thil thleng langsar zualte han tarlang leh dawn ila. Chumi hma chuan hei chauh hi lo ngaihtuah ve teh le, Mask vuah vanga thawk harsa kan tih hi Oxygen pek vanga la thawk ve hram hram aiin a nuam zawk, chuvangin mask vuah hi hre lo la, ti hram hram ang che.
1. Vawiin, 16.05.2021 khan Lawngtlai District-a COVID-19 positive enkawl dam *mi 9 (IR Qtrs CCC, Thingkah aṭangin 3M & 4F leh Chawngte CCC aṭangin 1M & 1F) chhuahtir* an ni
2. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 8 manin, he'ng an mi mante hi pawisa ₹ 800/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 586 man tawh niin, pawisa chawitir zat hi ₹ 65,850/- a tling tawh a ni.
3. Vawiin hian Lawngtlai District ah hri kai hmuhchhuah thar an awm lo tih report dawn a ni. Hei hri laka kan him theihna turin sorkar thupek I zawm zel ang u
4. Vawiin 16.5.2021 khan Covid-19 vei enkawlna hmun atangin mi 189 an chhuak
1. Aizawl -142
2. Kolasib - 11
3. Lawngtlai -9
4. Lunglei - 15
5. Mamit - 7
6. Saitual -5
5. Lunglei Deputy Commissioner Pu Kulothungan,tun hnaiah Tlabung leh a chhehvel ah Covid-19 positive hmuh belh zel a ni a, helai hmun leh a bul hnai te chu mipuite vah tamna hmun anih avangin, helai bul vel hi luh leh chhuah phal lohna hmun (Containment area) atana puan a ngai a.
Chuvangin, Sawrkar thuchhuak No.B.13021/101/2020-DMR Vol-IV Dt 14.05.2021 Clause A (2) behchhanin he thupek chhuah ni atanga thu leh awm hma chu vawiin Ni 16.05.2021 atang hian Tlabung Village Council huamchhung chu Containment area-a puan a ni.
6. Vawiin khan Tlabung ah hri kai thar mi 43 hmuhchhuah thar an awm
Post a Comment