Dravida Munnetra Kazhagam (DMK) President MK.Stalin chu tukin khan mi tlemte telna, Chennai Raj Bhavan-ah Tamil Nadu Governor Banwarilal-a'n Tamil Nadu Chief Minister atan rinawmna thu tiamtira lakluh a ni.
Tamil Nadu Chief Minister atana lakluh MK.Stalin hi Kum 68 a upa a ni a. DMK party hmasawnna tura theihtawp chhuahtu a ni a. Kum 2019 inthlanpui ah khan sorkarna an lo siam leh tawh a. Kumin Assembly Election ah khan hneh takin an party DMK chu hnehna chanpui leh in, a vawi 6-na atan sorkar an siam leh dawn ta ani.
Tamil Nadu ah hian seat 234 a awm a,an party mal (DMK) hian seat 125 an la a, an tanrual pui MDMK,MMK, TVK leh KNMK-te nen an chakna belhkhawm chu seat 133 lai a ni.
Chief Minister MK.Stalin bakah hian Minister 33 te chu rinawmna thu tiam tirin a la lut bawk a. DMK Cabinet ah hian hmelthar 15 an awm a. Cabinet Minister zing ah hian Hmeichhia pahnih P.Geetha Jeevan leh Dharapuram Constituency-a BJP state President hnehtu N.Kayalvizhi Selvaraj pawh a tel a ni
Chief minister leh Minsiter dangte lakluh inkhawm ah hian DMK tanrualpui Tamil Nadu Congress Committee President KS.Alagiri, MDMK hruaitu Vaiko, VCK President Thol Thirumavalavan, CPM State Secretary K.Balakrishnan leh CPI State Secretary R.Mutharansan-te'n an telpui ani. Tin, AIADMK aiawhin Deputy Chief Minister hlui O Panneerselvam leh Assembly Speaker hlui P.Dhanapal an tel ve bawk a. GK.Mani PMP President leh BJP aiawhin L.Ganesan leh MNM President Kamal Hassan pawh an tel bawk ani.
Post a Comment