Thla thum kalta atang khan Sangau leh a chhehvelah Airtel leh Jio signal chu a chhe hle a, mipui nitin khawsak pawh a tibuai hle a ni. Hemi chungchangah hian YLA Sub-Hqrs., Sangau chuan signal a that theih nan hian hma an la nghal a, Pathianni khan Airtel hotute (Mizoram) hnenah leh Tower siamtute Industel Tower Limited hnenah helaia signal a that theih nana hmala turin lehkha (thutawp) an pe a, Airtel hotute hian hma an lo lak nghal dawn thu an sawi. Hetih lai hian tunlaia hri a len avangin Airtel team lo kal turte hi Covid-19 an test a, an negative hnuah chauh Sangau luh remtih sak an ni.
Pu Lalduhthiama, President, YLA Sub-Hqrs., Sang chuan, Sangau ah hian Airtel tower pakhat chiah a awm a, hei hian an khaw chhehvel khaw engemawzatah site tower pein, a chawm bawk a, tin, Sangau leh a chhehvelah hian mihring 7000 vel an awm mek a, tower pakhat hian min chawm zo lo a ti a. Tin, Sangau Airtel tower-ah hian Generator lian a chhia a, hei pawh rei tak siamthat a ni lo a ti bawk. Pu Lalduhthiama chuan, tun May 18 ral hmaa hma an la lo a nih chuan Tower hi khar an tum thu leh hemi hnua hmalakna a awm lo zel a nih chuan Generator lian pawh vuak chhiat an tum thu an sawi.
Post a Comment