Lawngtlai 31.05.2021 : Vawiin Ni 31.05.2021 a Lawngtlai District leh hmun danga thil thleng thenkhat te lo tarlang leh ila. Covid-19 hri kai kan pung zel a, sorkar in mipuite min ngaihven avangin in thlahdul mahse, fimkhur tak zelin aw..kan fimkhur loh luat ah hri kai kan pung chak lutuk ang tih a hlauhawm ta hle mai.
1. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 7 manin, he'ng an mi mante hi pawisa ₹ 700/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 762 man tawh niin, pawisa chawitir zat hi ₹ 94,400/- a tling tawh a ni
2. Vawiin Ni 31.05.2021 hian Mizoram hmun hrang hranga COVID-19 enkawlna atangin mi 129 an chhuak
3. Vawiin ni 31.05.2021 khan South Vanlaiphai khua Pu.C.Lalthlamuana Current in man hlum
4. Vawiin khan Lawngtlai East Bialtu MLA Pu H.Biakzauva chuan a bial chhunga khaw pariat VLTF te tlawhin tanpuina a hlan a. Zanin hian Vawmbuk ah a riak ang a. Naktuk hian a bial chhunga khaw hrang hrang VLTF te tlawhin tanpuina a hlan chhunzawm ang
5. Vawiin khan Lawngtlai District Bawrhsap Dr.Andrew H.Vanlaldika, Chairman DLTF kaihhruaina in meeting neih a ni a. Lawngtlai khawpui chhung ah inkhuahkhrihna awmze leh dul zawka kalpui nise an ti
6. LB Associates neitu Dr. Lalbiakmawia Ngente te chhung, Bungkawn, Aizawl-in an venga containment zone-a puan section pathum-a awm zawng zawng ration buhfai an khulsak. An ni chhung hian an veng miharsate tan Rs. nuai 2 an pe tawh a, LLTF tan Rs. 10,000 an pe tawh bawk.
7. DM&R Department chuan Tlabung leh Lawngtlai a COVID-19 dona atan PPE 200 ve ve an lo pe chhuak tawh a, Mizoram Police te tan surgical glove box lian 2 leh PPE 300 an pe chhuak bawk a ni.
8. Vawiin khan Mizoram ah hri avang nunna chan pahnih an awm a.Vawiin 31.05.2021 tlai Dar 3:30 khan ZMC-ah Pi Lalrokimi (64), Venghlui, Aizawl chu Covid-19 Pneumonia avangin a boral a. Ni 15.05.2021 khan Covid-19 hri a kai tih hriatchhuah a ni a.Ni 18.05.2031 ah ZMC-ah admit a ni. Amah hi chuap tha lo nei sa a ni.
Tukin (31.05.2021) zing dar 8:40 khan Pu R.Lalrohlua (57) Selling chu COVID-19 avangin ZMC-ah a boral. 4th IR Bn mi leh sa a ni a. West Bengal Election duty-na atangin hri hi a kai tih Dt 4.5.2021 khan hriat chhuah a ni a. Ni 5.05.2021 ah ZMC niin, amah hi Zunthlum nei sa a ni
9. Vawiin khan Chawngte Civil SDO pisa ah Covid-19 hri kai pung zel avanga harsatna hrang hrang an tawh te sawihona neih a ni a. Chawngte area a hri kai pung chak lutuk chu hri danchah anih theihna tura hmalakna dan tur te ngaihtuah in meeting an nei.
10. Vawiin Ni 31.05.2021 hian Lawngtlai District a COVID-19 hri kai thar an tam ber ni a thleng ta. Chawngte ah Covid-19 positive 49 hmuhchhuah thar an ni a.Sample Collection Centre, Lawngtlai ah Covid-19 positive 7 hmuhchhuah thar an awm leh ta a. College Veng ah pathum (3) an ni hi Home Quarantine lai an ni. Lawngtlai Chandmary-1, Lawngtlai-III pakhat (1), Karlui atangin -2 an ni bawk a. Ti hian Lawngtlai District ah Covid-19 positive mi 56 hmuhchhuah thar an ni ta a ni.
Post a Comment