Lawngtlai 22.05.2021 : Vawiin 22.05.2021 a Lawngtlai District leh District dang a thil thleng langsar zualte han tarlang leh dawn ila. Hri kai kan pung zel si a, mipuite thu kan awi ava ngai si em. Duty te hi an chak leh peih vanga duty an ni lova, hri laka mipuite kan himna tur a duty an ni tih hre reng ila. An thuawih hi kan tan himna tur a ni si a.


1. Vawiin hian Lai Autonomous District Council a Chief Executive Member Pu Manghmunga Chinzah piancham Vawi 72-na sawm bik te nen a chenna In ah lawm niin, Pathian hnenah lawmthu sawina hun an hmang.

2. Mizoram pumah covid 19 hridanna mi 2,98,471 hnenah pek a ni tawh a, heng zinga 51,960 hian dose hnih lak tur an la kim tawh a, a bak 2,46,511 hian dose khatna chauh an la la thung a ni. 

Tunkar Thawhtanni atanga hridanna pekchhuah tan kum 18-44 inkar, ngaihpawimawh hmasak mi 10,727-in hridanna hi an la tawh a, hetihlai hian a indaihlo nasa hle tih State Immunization Officer Dr. Lalzawmi chuan a sawi

3. Mizoram chhunga COVID-19 hri kai thar chak taka an pun zel avangin leh a vei mek thahnem tak an awm zui zel avangin state chhung inkharkhipna (Total Lockdown) chu ni 24.5.2021 zing dar 4:00 atanga ni 31.05.2021 zing dar 4:00 thleng hman chhunzawm a ni dawn.

4. Vawiin chawhma lam khan Zokhawthiang-ah, Tinghmun Motor pickup a chesual a, mi pakhat boral in mi pasarih ten hliam an tuar. Motor hian thingzai te phurin Zokhawthiang mi 10 Chuang ramriak haw tur an Chuang bawk a, an zinga mi naupang Lalthlawnpekan S/o Lianvela Zokhawthiang chu a hliam tuar lovin a boral a ni

5. Diltlang bialtu MDC Pu Hc. Lalthawmliana chuan a bial chhung mi, Aizawla lehkha zir leh inhlawhfaa awmte, Lockdown avanga hawna tur nei lo te tan motor ngaihtuah sakin, vawiin May 22 khan Aizawl aṭangin a thawn haw. Vawiina Aizawla aṭanga hawte hi mi 9 an ni.

6.Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 4 manin, he'ng an mi mante hi pawisa ₹ 400/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 667 man tawh niin, pawisa chawitir zat hi ₹ 76,900/- a tling tawh a ni.

7. Vanduaithlak takin Pi Tawktiali (63), Electric veng chu vawiin 22.05.21 chawhnu dar 2:50 khan COVID Pneumonia avangin ZMC ah a boral. 11.05.21 khan hri a kai tih hmuhchhuah niin BSUP ah dah a ni a. 18.05.21 ah ZMC ah admit a ni. Amah hi asthma leh lung thalo neisa a ni.

8. Vawiin 22.05.2021 khan Covid-19 vei enkawlna hmun atangin mi 113 an chhuak

I) Aizawl -58

ii) Kolasib - 31

iii) Lawngtlai-5

iv) Lunglei -12

v) Mamit -1

vi) Serchhip -6

9. Vawiin 22.05.2021 hian Lawngtlai District ah Covid-19 hri kai 15 hmuhchhuah an ni.

I) Lawngtlai -III -2

ii) Lawngtlai College Veng -3

iii) Kamalanagar-I - 2

iv) Kamalanagar-II - 6 

v) Kamalanagar-III - 1

vi) Karlui-I - 1

10. Tukin zing Dar 6:10 Am vel khan Mount Ararat bul Falkland Veng, World Bank road ah Bike leh Truck an in su a. Bike khalhtu Reuben Lalenkawla (24) S/o Lalnuntluanga, Chaltlang Dingdi Veng chu a hmun ah a boral nghal

11. Vawiin khan Lairam Isua Krista Baptist Kohhran Thalai Pawl, Shalom Unit Thingkah te chuan Bypass road sirah thingphun in hnatlang an nei a. Hmawng leh Bung tiak 38 lai an phun a ni.


12. Vawiin khan Chawngte a hri kai enkawl mek, Nu naupai chu nau neih a hun tawh dawn avangin ZMC lamah hruai a ni a, he hmeichhe naupai hi Nolbonya khua niin Thawhleh ni khan hri a kai tih hriat a ni a, Chawngte Covid Care Centre ah enkawl nghal in, Vawiin khan a pasal nen Dr. Lalhriatpuii chuan ZMC a pan pui a ta a ni.

Post a Comment

Powered by Blogger.