Lawngtlai 18.05.2021 : Vawiin 18.05.2021 a Lawngtlai District a thil thleng langsar zualte han tarlang leh dawn ila. Covid-19 thawh hnihna hi thalaite zingah a thawkna bik emaw tih theih turin khawpin, thalai nunna chan an tam ta hle mai. In a i awm khan i tan a him a, midang tan pawh a him bawk tih hriat ava tha em.
1. Vawiin khan Covid-19 vei enkawlna hmun atangin min 162 an chhuak.
i) Aizawl - 81
ii) Lawngtlai-7
iii) Lunglei -11
iv) Saitual -6
v) Serchhip - 7
vi) Siaha - 15
vii) Kolasib - 31
Viii) Mamit - 5
2. Vawiin chawhma dar 11:50 khan Pu C.Lalzuia (63) Dinthar Aizawl chu Covid-19 Pneumonia vangin a boral. Ni 07.05.2021 khan hri a kai tih hmuhchhuah niin ZMC ICU ah dah luh nghal a ni a. Amah hi zunthlum leh thin thalo neisa a ni.
3. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 4 manin, he'ng an mi mante hi pawisa Rs 400/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 600 man tawh niin, pawisa chawitir zat hi Rs 68,100/- a tling tawh a ni.
4. Chief Medical Office, Lawngtlai atangin vawiin ni 18.May,2021 hian circular tihchhuah a ni.
Dr.LP.Malsawma, Chief Medical Officer Lawngtlai chuan, Lawngtlai khawchhung leh a chhehvel ah Covid-19 positive hmuh chhuah an awm nual avangin Contact tracing tih te a ngai a, contact tracing zawh hma chu Covid-19 vaccine pek chhunzawm a ni rih lovang, tiin thuchhuah a siam.
5. Tunlai hian Lawngtlai khawpui pawnah Covid-19 vaccine pek chhunzawm zel a ni a. Vaccination team te transportation hi LADC in a tum sak mai bakah, a tul leh tangkai a hnathawk turin an staff te an thawh bawk a ni.
6. Vawin hian Lawngtlai West Bialtu MLA Pu C.Ngunlianchunga chuan a bial chhung khaw hrang hrang VLTF te hnenah tanpuina a sem.
7. Vawiin khan Pu HC.Lalengkima chuan Chawngte MDC Constituency chhunga VLTF te hnenah Pu C.Ngunlianchunga aiawhin tanpuina a hlan.
8. Vawiin khan Chakma Autonomous District Council-ah Executive Member pahnih an lak luh te hi Dg. Bubon Kumar Chakma niin 19-Devasora ‘S’ MDC Constituency atanga thlan tlin a ni a. Ani hi term thum zet mai he bial atang hian thlan tlin a ni. Tin, Dg. Sanjeev Chakma niin 7-Kamalanagar West MDC Constituency atang thlan tlin a ni bawk.
9. Vawiin khan Lawngtlai District a Covid-19 enkawlna hmun atangin mi pasarih (7) an chhuak a. Vanduaithlak takin positive case thar paruk an awm ve thung a ni. Lawngtlai Covid19 Testing Center atanga Positive test hmuhchhuah te-
i). Paithar- 1, Mipa
ii). Saizawh E/ College Veng- 1, Mipa
iii). Chamdurtlang- 1, Mipa Betsury atanga lo zin.
iv). Bethel veng- 1, Mipa naupang
v). Phullen/ Council veng- 2, Mipa Saiha District, Phura khuaa hnathawk, VINCO Council venga thleng
10. Vawiin khan hri danna Lawngtlai Centre ah Kum 18-44 inkar te pek chhunzawm an ni a. Vawiin hian mi 153 te hnenah pek an ni.
Post a Comment