RAUTHLA TODAY NEWS : LAWNGTLAI DISTRICT AH COVID-19 POSITIVE 11 HMUHCHHUAH THAR AN AWM

Lawngtlai 21.05.2021 : Vawiin 21.05.2021 a Lawngtlai District leh District dang a thil thleng langsar zualte han tarlang leh dawn ila. Covid-19 thawh hnihna hi thalaite zingah a thawkna bik emaw tih theih turin khawpin, thalai nunna chan an tam ta hle mai. In a i awm khan i tan a him a, midang tan pawh a him bawk tih hriat ava tha em.

1. Vawiin khan Covid-19 vei enkawlna hmun atangin mi 43 an chhuak.
i) Aizawl  - 24
ii)  Lunglei - 7
iii) Siaha - 4
iv) Khawzawl - 3
v) Kolasib - 2
vi) Saitual -2
vii) Champhai - 1

2. Vawiin Ni 21st May, 2021 hian Lawngtlai District Magistrate-in Lawngtlai College  veng hmun thenkhatah Covid-19 laka  fimkhur thu hla ah chhun leh zana pawn chhuah khapin, curfew a puang a. Hei hian Dt 31.05.2021 zing dar 4:00 thleng a huam ang.

3. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 31 manin, he'ng an mi mante hi pawisa  Rs 3,100/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 663 man tawh niin, pawisa chawitir zat hi Rs 76,500/- a tling tawh a ni.

4.  Vawiin hian Lawngtlai District ah Covid-19 positive case 11 hmuhchhuah thar an awm leh ta a. Lawngtlai-III ah pakhat hmuh a ni a. Tin, Chawngte ah 10 hmuhchhuah an ni bawk. Heng positive thar te hi mipa paruk leh hmeichhia panga an ni.

5. Vawiin khan Ngurnunsangi English School Alumi, Lawngtlai te chuan Covid-19 dona atan Chairman District Level Task Force, Lawngtlai hnenah cheng nuai khat (1 lakhs) an hlan.

6.  Vawiin khan Lawngtlai District Bawrhsap Dr.Andrew H.Vanlaldika hovin Lawngtlai District chhunga Total Lockdown kalpui mek dan thlir hona neih a ni. He hunah hian Lawngtlai District Administration, Police, Medical leh I&PR lama thawktute, Zonal Officer-te, Lawngtlai khawpui chhunga VLTF ai awhte, CYLA leh MJA lam ai awhte an tel a. COVID-19 hri leng dona atana Mizoram sawrkarin state puma inkharkhip bur (total lockdown) a puan bawhzuia Lawngtlai District chhung, a bik takin Lawngtlai khawpui chhunga hma lak mek dan thlir ho niin, tan lak thar ngaihna lai leh hmachhawp atana rawtna te sawi ho a ni

7. Vawiin khan Deputy Chief Minister Pu Tawnluia pawh RAgT test neiin a negative tih hriat a ni.

8. Vawiin khan World Health Organisation (WHO) atangin Oxygen Concentrators 150 chu Health Minister Dr.R.Lalthangliana’n  a dawng.

9. Vawiin khan Khawzawl District-ah Chief Minister Relief Fund leh Dy.Chief Minister Pu Tawnluia sum pek atangin chhuanchham mai tur chhungkaw 693 hnenah tanpuina sem a ni.