Lawngtlai 24.05.2021 : A hmasa in Rauthla Today News chhiartu zawng zawngte chibai vek ule. Hri leng laka kan him theihna turin sorkar thupek zawm hram hram Turin kan in sawm a. Face mask hi hri laka kan him theihna tur kawng pakhat a ni a, hrehawm tiin lum deuh mahse, I invuah hram hram ang u.
1. Vawiin khan Mizoram hmun hrang hrang a Covid-19 enkawlna hmun atangin mi 75 an chhuak.
Aizawl 40
Lunglei 17
Champhai 7
Khawzawl 4
Serchhip 4
Siaha 2
Hnahthial 1
2. Covid-19 avanga Kolkata-a chatuan ram pan ta Marema ruang pawh vawiin tlai dar 5 rik hma deuh khan Ambulance hmangin Kolkata rawn chhuahsan in Mizoram an rawn panpui a. Ni 26.05.2021 hian YMA Hall, Zotlang Aizawl ah vuina programme hi hman a ni ang.
3.Vawiin khan Govt Lawngtlai College NSS Unit ten Saikah 'L' Village Level Task Force te hnenah mi harsa zual leh RALTLAN te ei tur Alu, Dal, Buhfai leh mamawh tul dangte an pe.
4. Zirlai online examination nei tur te leh zirlai dang ten stationery mamawh an lei theih nan Mizoram Sawrkar Order No.B.13021/101/2020-DMR/Vol-IV dated 22.05.2021 Clause B.4-a dawr hawn theihte zingah Stationery dawr-te chu a hnuai tarlan ang hian belh a ni:
Clause B 4.3 - Stationery dawrte chu 25.05.2021, Thawhlehni (Tuesday) leh 28.05.2021, Zirtawpni (Friday)-ah zing dar 5:00 aṭanga tlai dar 5:00 thleng LLTF/VLTF te hriatpuina-in hawn theih a ni ang. Heng dawrah te hian ‘Covid Appropriate Behaviour’ (CAB) leh Social Distancing uluk taka vawn tur a ni. Heng dawra thil lei turte chuan anmahni LLTF/VLTF te phalna (movement permit) an la hmasa tur a ni.
5. Vawiin May 24, 2021, Thawhtan ni hian Cental YLA chuan Lawngtlai khawpui chhunga Myanmar Raltlan nei vengte hnenah anmahni chhawmdawlna turin a hnuaia a mi ang hian buhfai bag a a sem a, raltlan nei vengte chuan Central YLA hnenah lawmthu an sawi a ni.
Bazar - 2 Chandmary - 8 College Veng - 2 Bethel - 2 Vengpui - 2 Council Veng – 2
6. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 20 manin, he'ng an mi mante hi pawisa ₹ 5,000/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 694 man tawh niin, pawisa chawitir zat hi ₹ 82,600/- a tling tawh a ni.
7. Vawiin khan Officers' Club Lawngtlai (OCL) member-te chuan COVID-19 hri leng vanga total lockdown kalpui mekah Lawngtlai District-a chhuanchham leh tanpui ngai tak tak te tan Lawngtlai District Level Task Force Chairman Dr.Andrew H.Vanlaldika hnenah Rs 1,10,000/- (cheng Nuai khat sing khat) an hlan.
8. Kan thu dawnna in a sawi danin vawiin khan Lawngtlai District ah Covid-19 positive pali hmuhchhuah thar an ni a. Lawngtlai AOC, Electric Veng leh Pangkhua mi pakhat theuh an ni a, mipa vek niin self test an ni. Tin, Chawngte (Kamalanagar-III) ah positive hmuhchhuah thar pakhat awmin hmeichhia tho niin self test tho ani.
9. Vawiin khan Phone No. 6289312097 hmangin hian SBI Lawngtlai BRANCH Manager ka ni, tia call dawng an awm a. Hei hi SBI Lawngtlai BRANCH Manager number a ni lova. Tunah hian report thehluh ani a. Mipuite hetiang lakah fimkhur turin SBI lamin min ngen a ni.
Post a Comment