Lawngtlai 28.05.2021 ; Vawiin 28.05.2021 a Lawngtlai District leh District dang a thil thleng langsar zualte han tarlang leh dawn ila. Hri vei kan pung zel a, mipuite kan fimkhur chhoh zel ava ngai em. Face mask i vuah loh chuan ram leh hnam tan hmelma i ni ta reng mai le.
1. Vawiin khan Covid-19 vei enkawlna hmun atangin mi 102 an chhuak.
i) Aizawl - 88
ii) Kolasib - 6
iii) Lawngtlai - 5
iv) Champhai -1
v) Khawzawl - 1
vi) Siaha - 1
2. Vanduaithlak takin vawin dar 11:15 Am khan Pu C.Lalthanmawia (80), Electric Veng, Aizawl chu Covid-19 Pneumonia vangin ZMC-ah a thi a. Hri kaia rinhleh anih avangin Ni 18.05.21 khan finfiah a ni a. Amah hi zunthlum leh thisen sang nei a ni.
3. Vawiin thlenga CM Relief Fund-a COVID-19 dona tura sum lut tawh zat belhkhawm chu Rs. 23,56,23,954 niin, hman tawh belhkhawm chu Rs. 22,25,10,970 niin, Rs. 1,31,12,984 a la bang a ni
4. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 13 manin, he'ng an mi mante hi pawisa Rs 3,200/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 742 man tawh niin, pawisa chawitir zat hi Rs 91,500/- a tling tawh a ni.
5. Vawiin Ni 28.05.2021 hian YLA Mampui Branch hruaitute leh Section hruaitute chuan Veng chhung Ruihhlo siamte ramhnuai ah kal chilhin Zu Tin 40 chhuan mai tur an man sak a, a hmunah an paih sak vek a. An zu chhuan tur an man na ho Serva Lui kama Lo nei te ta niin an sawi.
6. The Salvation Army, India Eastern Territory-a Territorial Commander Commissioner Lalzamlova (60) chu tukin dar 8:25 khan ropuina ramah a kaisang. Nimin lamah sermon a record lai a chauh thut avanga damdawi in panpui nia thudawn a ni.
7. Vawiin khan Lawngtlai East Bialtu MLA leh Vice Chairman, Agriculture Development Board Pu H.Biakzauva chuan Lawngtlai a rawn thleng.
8. Vawiin khan Fisheries Director chuan thuchhuah siamin luidunga nungcha la puitling lo leh te lutuk (Juvenile stage) man chu khap tlat a nih thu leh a man tute pawh lung in tan leh pawisa chawi tira hrem theih ani tih mipuite a hriattir.
9. Pu Manghmunga Chinzah, Chief Executive Member kaihhruina in Lai Autonomous District Council chuan Covid-19 thawhhnihna in nasa taka kan ram min tuam vel avangin, mipuite kan him a, kan inven theihna tura rim taka thawktu VLTF ten an khua/Veng ah a tul ang a hman atan Rs 5000/- theuh leh face mask, khaw lian leh khaw te pawh thliar hrang lovin a pe a. He VLTF te tanpuina hi Lai Autonomous District Council a Elected Member of District Council ten an Bial chhung khaw tin VLTF te hnenah an pe ang.
Tin,hemi rual hian CYLA hnenah Covid-19 thawhhnihna do na atan a tulna leh mamawh na anga an hman atan Rs 1,00,000/- a pe bawk.
10. Vawiin khan Man Power Development Board Vice Chairman leh Aizawl West-I Bialtu MLA ni bawk, Pu Zothantluanga chuan a bial chhung AMC Area pawna khaw pathum - Dinthar Sairang, Sihhmui leh Sairang - khawtlang mipuite tan Sairang Jt. VC hnenah Ambulance a hlan.
11. May 2021 PDS ration buhfai (Normal ration) leh PMGKAY scheme hnuaia buhfai a thlawna ePOS online mode hmanga sem mek chu internet connection awm loh vang leh biometric authentication tih theih loh vanga online a ration la thei lo beneficiary ten an ration an lak theih nan ni 29/05/2021 atanga 05/06/2021 chhungin DCSO Lawngtlai hnuaia Retailer ten ePOS offline hmanga lo pe tura hriattir in ni e.
12. Vawiin khan Pu C.Hrangthianga, Lawngtlai College Veng Bialtu MDC chuan a bial chhung Village Level Task Force te hnenah tanpuina a sem a. Sum fai bakah an mamawh hrang hrangte a hlan a ni.
13. Vawiin Ni 28.05.2021 hian Pu V.Zirsanga, Chairman LADC, Paithar Bialtu MDC nibawk chuan Saizawh East VLTF te hnenah Rs 4000/- a hlan
14. Central YLA chuan Covid-19 dona atanga Lai Autonomous District Council atanga Rs 1,00,000/- an dawng chu lawmawm an tih thu an sawi.
15. Mizoram Larsap PS.Sreedharan Pillai chuan May ni 28,2021-a Mizoram chhuahsan tur 46 Assam Rifles-te hnenah chawimawina thuziak a hlan.
16. Mizoram Truck Driver Association (MTDA) chuan an member-in Hnahthial VLTF leh Traffic Police kut a tawrh avanga an lungawina tawk ngaihdam dilna an hmu lo anih chuan Hnahthial-ah buhfai dah tawh loh an tum
17. Vawiin khan Dr Lal PathLabs, Bazar Bungkawn, Aizawl chuan COVID-19 hripui leng dona hmanraw pawimawh tak Personal Protective Equipment (PPE) full set 3000 Rs. 28,50,000/- man hu Mizoram sawrkar hnenah an hlan a. Heng PPE hi Health Minister Dr. R. Lalthangliana hnenah Dr Lal PathLabs aiawhin Nathan T. Lalchhanchhuaha, Lab Administrator leh Tv C. Lalramtiammawia, Territorial Manager ten Health Minister pisa-ah an hlan a ni
18. Vawiin khan Mizoram Government Drivers Association, Sub-Hqrs Lawngtlai chuan Pu Joseph L.Pachuau, MVI Lawngtlai District leh Po Rohimliana, Manager MizoFed, Lawngtlai te hnenah an hnathawh that avanga leh an hna a an inpek zia te chu lawmawm tiin, chawimawina thuziak an hlan
Post a Comment