PRESS RELEASE
PR No. 06/2021
Dated Lawngtlai, the 18th May, 2021
HRIPUI LEN LAI TOTAL LOCKDOWN PAWH KALPUI MEK LAIA LADC A MNF SORKARIN VC SUSPEND HRI A LEN TIR HI A DEMAWM HLE
Mizo National Front Party kaihhruai LADC Sorkar chuan, Hripui Covid-19 in kan ram min tihbuai mek lai a, Total Lockdown hial puan anih mek lai leh Sorkar Office te pawh kal hleithei lova an awm mek laiin, rem leh rem lo pawh dawn lova LADC hnuaia MNF Party VC nilo te, khaw 9 lai mai suspend beihpui a thlak mek a. Hei hian mipuiah harsatna a siam mek a, VCP te hi VLTF Chairman nilai mek anni a, VLTF kalphung pawh a ti khaihlak nasa hle a ni.
Pu T. Lalengmuana EM i/c LAD etc.LADC hian hripui leng mek hi a hre ve lo em ni, hetia MNF Party VC nilo te a suspend tak vak vak mai tih hi Lai District BJP chuan a zawt a ni. Hripui leng avangin tumah pawn pawh chhuak tha ngam lovin hun hman mek a ni a, khawtlanga VLTF te mawhphurhna hi a sangin, khawchhung himna tur ngaihtuahin hun leh tha nasa takin an seng mek a, Central leh State sawrkar te pawhin hri laka kan him theih nan leh lockdown chhunga mi harsa zawk te tan chhawmdawlna an kalpui mek lai a ni a. Term hmasa Sorkarin Lairam mipui mangang te tanpuina tura MDC zawng zawng te hnena cheng nuaikhat theuh a pekchhuah ang khan, MNF kaihhruai LADC Sorkar hian hripui dona atan MDC bial tinah sum a thehchhuak ve dawn emaw tih laiin, mipui beisei loh dan zawkin LADC a Local Administrative Department changtu EM chuan ka thuneihna lantir hun a lawm ti ni awm tak a, VC Suspend Hri a len tir hi, kan dem tak zet a, a hun lo kan ti hle a ni.
Tin, Covid-19 hripui avanga Total Lockdown hial kalpui mek laia mahni party VC ni lo te a suspend hi, LADC a MNF Sorkar hian Village Council (MFC Grant) 1st quarter a dawn hi party a an duhsak zawng khawih tir a duh vang ani tih hi kan hmuh dan a ni a. Hripuiin min luhchilh mek lai hian, party rilru dah tha a, lungrual taka kan dam khaw chhuahna tur ngaihtuah hun a ni zawk a, LAD changtu EM hian thuneihna hman hun hreloah kan ngai. Chuvangin, Lai District BJP chuan, chhuanlam dawrawm te te hmanga VC Suspend te tan hian theihtawp a chhuah zel dawn a ni.
Issued by : Lai District Bharatiya Janata Party Media Cell, Lawngtlai
Post a Comment