NI 31.05.2021 LEH 07.06.2021 INKARA MIZORAM CHHUNGA COVID-19 DONA KALPUI DAN TUR INKHUAHKHIRHNA THUPEK THARA TIHDANGLAM TE

Lawngtlai 29.05.2021 :  Vawiina sawrkarin inkhuahkhirhna order thar a tihchhuah leh a hlui danglamna te a hnuaiah hian tarlan a ni:-


1. Clause A.3 hnuaia bungraw chawkluh leh State chhunga thiar chungchangah heng hi belh a ni.

a) AMC Area pawnah chuan Mizoram-a bungraw awmsa emaw siam chhuah/tharte thiar chungchangah inkhuahkhirhna a awm lovang.

b) AMC Area chhungah chhiatna thleng thei laka invenna leh phalna nei a hnathawk te bungraw mamawh chu Deputy Commissioner emaw Incident Commander te phalna la in an thiar thei ang.

2. Clause A.5 hnuaia zin veivah chungchangah hengte hi belh/tihdanglam a ni.

a) Mahni chenna khua chhuahsana zin veivah khap tlat a ni. Amaherawhchu, chhiat tawh leh damlohna (medical emergency)-a mahni khua chhuahsana zin veivah a ṭul chuan mahni awmna veng/ khua VLTF/LLTF te hriatpuina lehkha nen zin veivah theih a ni ang. Chu lehkha-ah chuan an kal ṭanna (origin) leh zinna/kalna tur hmun (destination), zinna chhan, ni leh darkar te a chuang tur a ni. Heng bakah loh theih loh thila zin tul naah chuan Deputy Commissioner/ SDO (Civil)/ BDO ten phalna an pe thei ang.

b) He inkhuahkirhna hian College/University zirlai te online exam tura internet connection that zawkna khua/hmun pan ngai te a huam lovang. Amaherawhchu, heng zirlai te hian College leh University ID card leh Exam Admit Card Police/Executive duty/LLTF/VLTF endik tur an nei ngei tur a ni.

 3. Clause A.7. hnuaia inkhuahkhirhna dangte tih zingah ‘MGNREGA, MPLADS, MLALADS hnuaia hnathawh phal a ni’, tih belh a ni.

4. Clause B.2.1. hnuaia he inkhuahkhirhna-in a huam loh tur hmun leh heng hmuna thawkte zingah, OSC leh AH& Vety slaughter house belh a ni.

5. Clause B.2.2.  hnuaia he inkhuahkhirhna-in a huam loh tur hna (services) zingah septic tank service (ek paih) belh a ni

6. Clause B.3. hnuaia dawr inhawn dan tur chungchang chu hetiang hian siam danglam a ni.

a) Eichawp dawrte chu nitin zing dar 8:00 thleng LLTF te ruahmanna in an hawn theih a ni

b) Thlai leh sa zawrhnate chu Zirtawpni (Friday)-ah zing dar 05:00 atanga tlai dar 05:00 thleng hawn theih an ni.

c) Heng a hnuaia dawr tarlante hi zing dar 05:00 atanga tlai dar 05:00 thleng hetiang hian hawn theih a ni ang. Heng dawr pan turte hian anmahni LLTF te phalna (movement permit) an la hmasa tur a ni.

i)

Thlai chi/Ṭiak leh agriculture kaihhnawih bungraw zawrhna dawr.

-      Thawhlehni.


ii)

Zirlaibu zawrhna dawr.

-      Thawhlehni.


iii)

Bungraw phur motor mamawh, oil leh spare parts zawrhna leh loh theih loh thila hawn ngai hetiang motor siamna bik workshop/ puncture works.

-      Thawhlehni.


iv)

Computer, electric bungrua leh mobile zawrhna leh siamna (repairing centre) dawr.

- Zirtawpni.


v)

Hmasawnna hna pêng hrang hrang thawhna atana bungraw mamawh - iron rod, balu, brick, cement, electric bungrua, insakna bungrua ilo zawrhna te. Hemi-ni ah hian rawra leh lung te chu AMC Area-ah phur luh phal a ni.

-       Zirtawpni.



f) Mamawh lama mipui veivak tih tlem nan leh mipui pungkhawm tih tlem nan, a chunga dawr hawn phal te hian a theih chin chinah in lama sem/pek (home delivery) tih an kalpui ang.

7. Clause B.5(1) hnuaia Mizoram Sawrkar hnuaia COVID-19 dona leh hna ṭul bika kal thei zingah Home (Forensic Science Laboratory) belh a ni.

8. Clause B.5 hnuaiah sub-clause (2) belh a ni:

“Mizoram Sawrkar office dangte erawh chu Secretary/Head of Department/Head of Office ten hna pawimawh bik leh ṭul zual (time bound/ emergency) thawk turin hna thawktu hminghmerhin office kal tur an ruat ang. Hengte hian anmahni ruatna detailment order chu Police/COVID-19 Executive Duty/ LLTF te enfiah theih turin an keng ngei ngei tur a ni.”

9. Clause C hetiang hian belh a ni:

C. AMC AREA PAWN INKHUAHKHIRHNA THUPEK CHUNGCHANG AMC Area huam chin pawn lamah chuan Deputy Commissioner/ DDMA ten an District dinhmun te uluk taka zirchiangin Clause B zulzuiin an District chhungah inkhuahkirhna siamin an kalpui ang. Deputy Commissioner te hian anmahni District chhung leh area/khua te dinhmun uluk takin an thlithlai ang a, COVID-19 venna atana tul apiang ah ruahmanna siamin inkhuahkhirhna an kalpui ang.

Post a Comment

Powered by Blogger.