Lawngtlai 1st May, 2021 :Kumin April thla chhunga hri kai hmuhchhuah 1655 zinga mi 570 zaa 34.44 chu Mizoram chhuahsan lova, hri kai an hnimhnaih atanga kai, tualchhunga hri kai an ni.

Integrated Disease Surveillance Programme (IDSP) ten an chhinchhiah danin, Covid-19 hri a len tan tirh atanga Mizoram hri kai hmuh chhuah tam ber thla April thlaa hri kai 1657 zinga 692 zaa 41.81 chu State pawn atanga Mizorama rawn lut an ni a, mi 572 zaa 34.44 chu hri kai an hnimhnaih atanga kai an ni a, mi 393 zaa 23.74 chu hri an kaina chin hriat loh, hri an kaina chhui ngai a ni 


Mizoram a hri kai hmuh chhuah tawh zawng zawng mi 6131 atanga mi 3033 zaa 49.46 chu state pawn atanga Mizorama rawn lut an ni a, mi 2056 zaa 33.50 chu hri an hnimhnaih atanga kai an ni a, mi 1044 zaa 17.02 chu hri an kaina chin hriat loh, hri an kaina chhui ngai a ni.


Mizorama hri kai hmuhchhuah hmasa ber chu nikum March thla khan hmuh a ni a. Hemi hnu April leh May ah hri kai hmuhchhuah an awm a, June thlaah hri kai hmuhchhuah 159 awmin, hri kai hmuhchhuah thar an pung chho zel a, July thlaah 253, August ah 599, September ah 1006, October thla ah 740 hmuhchhuah an ni a, nikum chhunga hri kai hmuh tam ber thla Novermber ah 1089 hmuh ani.


December thla a lo ni a, hri kai pun belh viau turah ngaih anih laiin mipuiin sorkar thupek an zawm chho tan a. Hemi thla hian hri kai mi 369 hmuhchhuah thar an awm ani.


Kum a lo thar a, hri pawhin ziaawm lam a pan chho hret hret tih theih tur a ni a.January thla khan mi 156 ten hri an kai a. February thla a lo nih chuan a tla hniam hle a, mi 56 hmuhchhuah niin March thla ah 53 hri kai hmuhchhuah an ni a. Hri kai an tlem chho zel dawn emaw tih anih laiin a thawhhnihna chu India ram state hrang hrang ten an tuar a. Mizoram ah pawh he hri thawhhnihna hi kan tuar nasa hle a. Thla kalta April thla ah khan mi 1657 zet in hri an kai tih hmuhchhuah a lo ni ta a ni.

Post a Comment

Powered by Blogger.