Power & Electricity Minsiter Pu R. Lalzirliana chu tunah hian Covid-19 avangin a nupui leh a fapa nen enkawl mek an ni a. Enkawl a nihna hmunah hian Minister hi thil tha a ti zel.
Pu R. Lalrzirliana hian nimin khan amah enkawl hmun chhuat chu a nawtfai a. Pu Zira chuan, hetiang hi a tih ngai loh a nih loh thu a sawi a, in lamah leh hmun dangah pawh a lo titawh thin tih a sawi.
Mizoramah hian VIP Culture kan tih mai hi tun hnai atang khan Minister te hian an thlauhthla tan mek niin a lang a, puipun nikhuaahte, in lamahte, Christmas nikhuaahte mi pangngai angin an che fova, mimal thila sorkar motor hman mai aiin Bike emaw Taxi emaw hman mai an ching tan mek.
Hemi chungchangah hian Minister Pu R. Lalzirliana chuan, hetia chhuat ka nawt hi Nurse te leh thawktute ka tihmualphona lam a ni lova, ka duh ber chu midang zirtir leh chumi tithei tura kaihhruai chu a ni a ti a. Delhi-a Mizoram House pawh a tlawh changin a tihfai thin thu a sawi bawk.
Kum 71 mi, Mizoram Power & Electricity Minister Pu R. Lalzirliana hi May 11 khan a nupui Lalthangmawii nen Covid-19 an positive tih hmuh chhuah an ni a, May 8 khan a fapa chu a postive tih hmuh chhuah a lo ni tawh bawk. An pathum hian in lamah an in enkawl phawt a, May 12 khan ZMC ah sawn phei an ni. A tirah chuan mini intensive care unit-ah dah an ni a, tunah chuan Covid Ward lamah sawn phei an ni tawh.
Pu R. Lalzirliana chuan tun dinhmun
ah an that thu a sawi a, medical staff leh nurse ten min enkawl tha hle a ni a
ti.
Post a Comment