Lawngtlai
May 3, 2021 : India ram zalenna vawi 75-na lawmna pual a lirthei kehnih
hmanga Mizoram hmun hrang hranga zin tur Border Road Organisation (BRO) mite
chuan nimin Pathianni, May 2 khan Lawngtlai an lo thleng.
Motor Cycle Expedition-a Mizoram fang tur lirthei ke pahnih nei
hmanga rawn kal mi 4 te hi Inrinni May Ni 1 khan PN Yadav, Chief Engineer,
Project PUSHPAK chuan Thuampui atangin a vai liam a. Thenzawl leh Lunglei te an
rawn tlawh hnuin nimin Pathianni, May Ni 2 khan tluang takin Lawngtlai an rawn
thleng a, Pu RR Mishra, OC 71 RCC in lo dawngsawngin, vawiin khan Siaha an pan
leh a ni. Siaha atang hian Hnahthial, Champhai leh Kawlkulh te an la kal dawn
a, Seling ah an tawp dawn a, 900 km lai a thui kal an tum a ni.
BRO te hian Motor Cycle Expedition an neih chhan hi
tunlai hripui leng Covid laka mipuite an him theihna tur a inhrilh hriatna leh
lirthei khalhtuten an lirthei khalhte uluk leh him taka an lirtheite an enkawl
theihna tur atana tih a ni. Motor cycle expedition a kalte hian khaw hrang
hrangah sipai bangte leh kawng siamtu GREF te tan a thlawnin an hriselna an
ensak nghal a ni.
Post a Comment