Lawngtlaia Covid-19 hri leng avanga inkhuahkhirhna kalpui mekah
inkhuahkhirhna dan bawhchhia mi engemawzat man a ni a, hengte hi pawisa chawi tir
zel an ni a, nimin April 30 lama dan bawhchhia Executive Duty ten pawisa chawi
tir zat tling khawm hi avaiin 6,040 a ni. April 21 atanga atanga nimin
April 30 thlenga dan bawhchhiah pawisa chawi tir zat tlingkhawm chu avaiin
15,540 a ni.
Nimina Veng tina pawisa chawi tir zat
1. Thuingkah - 300
2. AOC Veng - 700
3. Electric Veng - 450
4. Lawngtlai - III - 500
5. Bazar Veng - 2090
6. Council Veng - 400
7. Lawngtlai Vengpui - NIL
8. New Vengpui - NIL
9. Chandmary - 400
10. Bethel Veng – 300
11.
College Veng – 300
12.
Chawnhu – 600
Lawngtlaia
inkhuahkhirhna kalpui mek hi Executive lam ten khauh deuh zawka kal nise an tih
angin veng hrang hrangah khauh taka kalpui a ni a, lirthei hawl chhuak tur leh
mamawh lama pawn chhuak tur chuan VLTF phalna lehkha a ngai a, phalna pek dawr
leh damdawi dawr te chiah an in hawng bawk a ni.
Executive
Duty mai bakah hian veng tinah VLTF ten ngawrh takin mahni vengah ṭheuhah
inkhuahkhirhna hi an kalpui a, aurinna hmangin mipuite hriat tur an puang reng
bawk a ni.
April 30 zing dar 11 thleng mipuite tan mamawh lamna hun siam a ni
a, he hunah hian chaw hmeh dawr chauh inhawn leh inpho phal a ni a, Hardware
dawrte pawh inhawn phal a ni. Mipui mamawh lam hunah hian VLTF ten an area
theuhah duty insiamin, aurinna hmanga mipuite control a ni a, mipuite pawhin
facemask vuahin VLTF te thuchhuak ang chu a theih chin chinah an zawm a ni.
Tin, veng tina
duty-te hi Executive Duty lamah hotu ten an tlawh kual reng bawk a ni.
Post a Comment