Lawngtlai May 11 : Pu B. Liansiama, District Civil Supply Office, Lawngtlai District chuan tun dinhmunah Lawngtlai District chhunga buhfai dinhmun a that thu a sawi.
Rauthla zawhna chhangin Pu B. Liansiama, DCSO Lawngtlai chuan, Lawngtlai District mipuite chu buhfai chungchangah thlaphang lo turin a chah a, tun dinhmunah Lawngtlai District chhunga buhfai dinhmun chu a that tawk thu a sawi.
Pu B. Liansiama chuan Lawngtlai District chhunga buhfai dinhmun sawiin, Tuithumhnar, Vathuampui, Damdep, Parva, Vaseikai, leh Bungtlang Godown-ah te pawh buhfai hi a tam tawk tih a sawi a, Vaseikai hi fur hmaa dah khah leh hman tum a ni a ti a. Lawngtlai FCI Godown-ah pawh bufai a tam tawk thu sawiin, fur lai pawhin buhfai hi a lo thleng thei reng ang a ti bawk. Tuna awmsa pawh hi a lo phai leh deuh a nih chuan fur hmaa dah khah leh hman vek tum a ni a ti bawk.
Hetih lai hian Ngengpui lei chu motor-in a zawh theih loh avangin Diltlang South-ah buhfai dah theih a ni lova, Bungtlang South atangin buhfai hi pek a ni ang DCSO Lawngtlai chuan a ti bawk.
Tin, Pu B. Liansiama chuan tun May thla atang hian a thlawnin buhfai sem a ni leh dawn a ti.
Post a Comment