Lawngtlai 12.05.2021 : Vawiin Ni 12.05.2021 hian Lawngtlai District Bawrhsap Dr.Andrew H.Vanlaldika chuan Mipuite hnenah ngenna leh hriattirna hetiang hian a ti chhuak.
NGENNA LEH HRIATTIRNA
No.R.11012/4/2020 (Covid-19)-DC(LTI)/Vol-I : Tun hnaia kan rama COVID-19 hri thawh hnihna leng mek leka mipuite kan lo him tlan zawk nan Mizoram sawrkar chuan May Ni 10,2021 zing dar 4:00 atanga May Ni 17,2021 zing dar 4:00 thlengin TOTAL LOCKDOWN a puang a. Hemi hun chhunga zawm tur Inkaihhruaina (Guidelines) a siamte pawh Lawngtlai District chhungah khauh taka kalpui mek zel ani a. Hetih lai hian, kan hma lawkah furpui kan hmachhawn mai dawn avang leh furpui kaihhnawiha chhiat rupna thleng thei laka inven a tul avangin,he'ng a hnuaia tar kan hnate hi Lawngtlai khawpui Chhungah COVID-19 Appropriate Behaviour leh SOP te zawm Chung si-a harsatna awm lova kalpui anih theih nan VLTF-te'n a hmunah endik a, tul leh pawimawh an tih dan a zira ruahmanna lo siam a, hma lo la turin kan inngen in, kan inhriattir a ni.
1. Furpui a lo thlena lei min thei mai dinhmuna ding ven nana hna thawh ngai, entir nan, kopang lungrem (retaining wall) siam zawh hman ngei ngei ngai ang chi te;
2. Hna thawhna bungrua lo chhek khawl tawh sa, dah rei chhe mai thei fur hmaa hman zawh ngei ngei ngai ang chi te
Heti ang hna thawh tur neite chuan VLTF-te hriatpui leh ruahmannain an thawk thei ang a. Amaherawhchu, hna thawktu atan hian hna thawhna hmun tur Veng chhunga mi emaw,hnathawhna hmuna riah chilh thei emaw te chauh rawih phal an ni ang. Bungraw chhek khawl sa hman zawh a ngaih avanga hna thawkte chuan, an bungraw chhekkhawl sa a zawh Hunah a dang an lak belh a rem tawh rih lo ang a. Hna kalpui chungchang leh hna thawhnaa Covid-19 laka himna tura inkaihhruaina hrang hrang zawm chungchang ah VLTF -te'n a tul anga ruahmanna lo siam a, lo en zui tura ngen a ni
Post a Comment