Kum 78 chhunga a thil zirchhuah aiin, Coronavirus vanga inkharkhipna chhung khan zirchhuah a ngah zawk niin, Bollywood Megastar Amitahb Bachchan chuan a sawi.
In chhunga chetdan leh thil dahna reng reng hriat theih zung zungna ringawt pawh thil tangkai tak a ni a, engemaw hleka awmpuite kuta dah mai lo tur a nihna te chu a langsar zual an ni a. “Mahni ngeiin kan tih theih ngei ngei leh tih tur nibawk, mi kuta dah a, midang tih atana khek mai te hi thil awm thei a ni,’ a ti.
Kum 78 chhunga ka thil zir aiin, lockdown chhunga ka thil zirchhuah kha a tam zawk. Tunah chuan a theih chen chen kan han ti chho ve nawk nawk a, In chhung function dan reng reng te kan hrechiang lehzual a. Tunhma zawng khan staff te kuta dah mai mai te kha kan ching a, In chhung tihfai te, insuk leh hnathawh thlengin midang kutah kan dah mai zel, a ni a ti.
Lockdown chhung khan kan han ti ve tak tak a, a hlimawm a, kan tih leh thawh reng reng chungah lawmna thinlung a lo awm a, kan hnathawhna hun darkar hlutna chang kan hre lehzual a, nitin thil thar kan zir a, nitin mai hi harhtharna Ni a ni zel mai a ni,” tiin Amitabh hian lockdown chhunga zirlai a zirte a sawichhuak a ni.
Post a Comment