Naktuk ni 03.05.2021 - 11.05.2021 chhung a Lockdown neih turah Joint VLTF Bualpui (Ng)  I&II thuchhuak mipui a puan zarna leh hriattirna.


Dt.02.05.2021 (Sun) Dar 2:30 Pm


VLTF BUALPUI (NG)-I & II JOINT MEETING THUCHHUAK


KHAWCHHUNG MIPUITE HRIATTIRNA


     Covid-19 hrileng laka kan khawtlang kan him theihna tura atan Sawrkar leh VLTF Joint Committee thuchhuak zawm turin chhungkaw tin leh mi mal kan in ngen a, min zawm sak kan duh bawk a ni. Sawrkar in Lockdown a puan angin kan khawchhungah hetiang hian thu leh awm hma atan kal pui tur a ni ang.


1) Bualpui (Ng) khua State pawn leh Mizoram chhung atanga lo haw tur te chuan VLTF Chairman & Secretary hnenah in report hma sak  tur a ni. 


2) Bualpui (Ng) Khua khual atanga lo haw te reng reng mahni In ah lut lovin, VLTF te hnenah inhriattir a nih hnuah Community Quarantine Facility Centre (CQF) ah Direct - in luh ṭhin tawh tur a ni ang a, ni 8 sawrkar order angin quarantine an nih hnuah RAgt Test an ni ang, an result a negative tih hriat hnuah chauh an chenna In an pan thei chauh ang. VLTF te hriattir lova mahni In lam pan te hnenah sawrkar in hremna dan a siam angin hrem an ni ang.


3) Thil tul lo ah pawn chhuah tam loh tir a ni. A bik takin kum 60 chin chung lam naupang te tan pawn chhuah khap tlat a ni Lockdown chhung ah. Loh theih loh a pawn chhuak tur ten hmai kawr (Face Mask) vuah zel tur a ni. Face Mask vuah lo te hnenah sawrkar in hremna dan a siam angin, chawi tir zel an ni ang.


4) Khaw pawn ah thil tul lo ah zin vei vah tam loh tur a ni. Thil tul lutuk a zin chhuak tur te chuan VLTF  hruaitute hnenah phalna lak hmasak thin tur a ni. (Hei hian Emergency Case - Damlohna. Nau neih.etc a huam lo ang.)


4) Dawr neitute leh an mahni dawr tu ten hmai kawr (Face Mask) vuah ngaih pawimawh leh zual tur a ni ang naktuk Lockdown ṭan ni 3.05.2021 aṭangin 11.05.2021 atan leh sawrkar thuchhuak dinglai angin. Dawr tu te hming, khua leh phone number ziahna lehkhabu dawr luhna kawngka ah an dah tur a ni. Kut Silna Hand Sanitizer an chhawp bawk tur a ni. A chung a zawm tur zawm lo dawr neitute leh dawr tu te hnenah sawrkar in hremna dan a siam angin VLTF Duty in an chawi tir ang.


5) Bazar Shed a chaw hmeh  zuar tute leh dawr tute in Hmai Kawr (Face Mask)  vuah ngaih pawimawh tur a ni naktuk dt.03.05.2021 aṭangin 11.05.2021 chhung leh sawrkar thuchhuak ding lai angin.  Hmai kawr (Face Mask) vuah duh lo te chawhmeh zuar leh a dawrtute hnenah sawrkar in hremna dan a siam angin VLTF Duty ten an chawi tir ang.


6) Bualpui (Ng) khawchhungah punkhawm (Heng Birthday Lawm, Inneih Anniversary Lawm, Chhungkaw Pual a ruai siam, mi pawimawh ruai siam sak, Kohhran Naupang Pawl, Nu Pawl, Ṭhalai Pawl,  Pa Valai Pawl, Tualchhung ang a punkhawm, ei in siam, kohhran, mimal leh pawl  ang a picnic leh punkhawm dang chi hrim hrim) khap tlat a ni. Thuchhuah ngai pawimawh lo a ti lui te hnenah sawrkar in hremna dan a siam angin VLTF in chawi tir an ni ang.


7) Infiamna Indoor leh Outdoor Games (Volleyball, Badminton, Football.etc) eng chi mah Sawrkar leh VLTF Bualpui (Ng)-I & II Joint Meeting thuchhuak angin thu leh awm hma atan khap tlat a ni a, phal a ni lo.Phunkhawm hrim hrim leh Infiamna lam chi reng reng pawl emaw mi mal emaw ang in,  a huho a  huaihawt phal a ni lo a. Thuchhuah ngai pawimawh lo a ti lui te hnenah sawrkar in hremna dan a siam ang in chawi tir an ni ang.


7) Biak In a Inkhawm leh Kohhran Programme eng chi mah Chhun leh Zanah State Sawrkar leh District thuneitute aṭanga thuchhuak ding lai angin Bualpui (Ng)  khawchhungah pawh thu leh hma atan neih loh tur a ni. Thuchhuah ngai pawimawh lo a ti lui te hnenah sawrkar in hremna dan a siam ang in chawi tir an ni ang.


8) Zirna In pawh hrilen chhung atan Sawrkar leh an Department atanga  khar tura tih a nih angin thu leh awm hma atan khar chhunzawm rih tur a ni. 


9) Sawrkar Quarantine Facility Centre pahnih Govt MS, Bualpui (Ng) leh Govt PS-III ah kan chhung, kan fate dah an nih laiin VLTF hruaitu Duty-te thu lo a  len/tlawh pawh phal/remtih a ni lo a ni. An mamawh te VLTF Duty leh hruaitute kal tlang a pek thin tur a ni ang. Sawrkar in Quarantine Facility a awm tur te hriattur zawm lo te, thuchhuah ngai pawimawh lo a ti lui te hnenah sawrkar in hremna dan a siam ang in chawi tir an ni ang.


10) Zan Curfew puan chhunzawm zel a ni a, Zan dar 7:00 Pm atanga Zing dar 4:30 Am thleng a huam ang a, hemi chhung hian tumah pawn chhuah loh tur a ni a,  pawn chhuah khap tlat a ni. Hei hi kan khawchhung hrileng laka kan himna tur a ni tih hria in, zawm ṭheuh turin kan inhriattir a, kan in ngen a ni.



Lockdown chhung hian chhun leh zan ah veng tinah VLTF Duty an awm dawn a, VLTF Duty te thu mitin in ngaipawimawh ah zah turin kan inngen a ni.




Sd/-HC. LALRAMDINTHANGA

Secretary                                 

Village Level Task Force

Bualpui (Ng)-I          



Sd/-

ROBERT ZIONTHANGA

Secretary

Village Level Task Force

Bualpui (Ng)-II


Sd/-

Lalzidinga Chinzah

Information Secretary

Joint VLTF

Bualpui (Ng)-I & II



Post a Comment

Powered by Blogger.