Football titi
Tottenham chuan Borussia Dortmund boss Edin Terzic chu an manager thar atan rawih an tum. (Bild – in German)
Manchester United si nghak Dean Henderson chuan ngaihventu a ngah hle a. Europe khawmuala club lian tak tak atanga ngaihventu zingah Tottenham, Chelsea, Borussia Dortmund leh AC Milan te pawh an tel a. Nipui bazar hunah lak tumin an inchuh hlawm dawn. (Sky Sports)
Tottenham leh Everton te chuan Crystal Palace leh Ivory Coast forward Wilfried Zaha chu £40m. in lak an huam. (Goal)
Paris St-Germain boss Mauricio Pochettino chu a club Tottenham lamah kir leh turin ngunthlak zetin a inngaihtuah. (Sun)
Hetihlai hian Spurs hian Everton manager, Belgium head coach ni mek Roberto Martinez chu Jose Mourinho thlak a, an manager thar ni turin an dawr. (Sky Sports)
Serie A-a Inter Milan champion puitu manager Antonio Conte chuan ni hnih chhungin Serie A champion a chhuahsan dawn. (La Gazzetta dello Sport, via Metro)
Wolves chu £35m a Portugal midfielder Ruben Neves hralh turin an inbuatsaih. An hralh na sum hi Nuno Espirito Santo chhuahsan tur an squad thuam chak nan hman an duh. (The Athletic – subscription required)
Brazilian playmaker Philippe Coutinho chu Barcelona in hralh an tum player 10 zingah a te. (Star)
Barcelona leh Manchester City te chu Atalanta’ midfielder Robin Gosens ngaihventu zingah an tel. (Sport)
Arsenal leh Aston Villa te chu Norwich City midfielder Emiliano Buendia lak tumin an inel mek a, dinhmun tha zawk luah tumin a intlansiak zui zel. (Telegraph – subscription required)
Arsenal-ah kum khat chauh a cham hnuin Brazil forward Willian chuan kum sarih chhung a cham tawhna Chelsea-ah kir leh a duh. (Sky Sports)
Chelsea chuan English midfielder Callum Hudson-Odoi hralh mai an tum a, Borussia Dortmund chu Hudson-Odoi club thar ni tura rinkai ber an ni. Dortmund hian Leeds United forward Raphinha pawh an ngaihven tel bawk. (Eurosport)
West Ham chuan Spartak Moscow leh Czech Republic midfielder Alex Kral an ngaihven. (Sky Sports)
Villarreal defender Pau Torres chuan Manchester United nen an indawr anga thuthang awm chu a hnar tih Europa League final an khelh hma khan a sawi. (Metro)
United chuan Aston Villa si nghak Tom Heaton dawr an remti a, thla tharah free transfer-a lak tumin an dawr ang. (Express)
Liverpool leh England Under-21s defender Rhys Williams chuan first team chang zauh zauh tawh mahse season tharah loan in a chhuah leh tho hmel. (Star)
Arsenal leh Uruguay midfielder Lucas Torreira chuan thla thara World Cup qualifiers an khelh zawh hunah a hma lam hun tur tihchian a tum. Kum 25 mi hian loan in Atletico Madrid-ah a khel a, Arsenal ah kir tawh lovin club dang zawm a duh. (Express)
Gunners hian Lyon midfielder Houssem Aouar an ngaihven thar leh dawn. (Mirror)
Roma chuan kum 24 mi English winger Demarai Gray an ngaihven. Gray hian january thla khan Bayer Leverkusen a zawm a, 2m euros (£1.73m) in a lakchhuah theih dawn. (Roma Press, via Sky Germany)
France midfielder Eduardo Camavinga chuan Paris St-Germain zawm a duh. Rennes chuan Camavinga manah hian 100m euros (£86.6m) an chhiar. (RMC Sport)
Wales leh Juventus midfielder Aaron Ramsey chu Liverpool in an naihven a, nipui bazar inhawn hunah Arsenal player hlui hi dawr an tum niin an sawi. (Tutto Juve – in Italian)
Champions League finalist Chelsea chu Monaco leh France Under-21 midfielder Aurelien Tchouameni nen sawizawm an ni. (Goal)
Bayern Munich chhuahsan mai tur, Germany National team enkawl tur anga sawi tlangthan nasat tak Hansi Flick chu Barcelona in an manager rawih mek Ronald Koeman thlaktu atan an duh. (RAC1 – in Spanish)
Liverpool midfielder Georginio Wijnaldum chuan season tawp rualin a contract a hmang zo dawn a. Barca in Koeman an ban a nih chuan Calatan club zawm a beisein a thlawn mai thei. (Football Insider)
Barcelona chuan sum harsatna an tawh mek tihziaawmna turin sum tuak an duh a, French World Cup-winning forward Antoine Griezmann dawrtu an awm a nih chuan tha takin an dawngsawng dawn. (Marca)
Jose Mourinho club thar tur Roma chuan Torino atanga Italy striker Andrea Belotti la turin hma an hruai mek. AC Milan pawhin Belotti hi lak an la tum zui ve zel bawk.
Milan hian Chelsea-a contract hmang zo mai tur France forward Olivier Giroud an thlithlai tel bawk a, pakhat zawk zawk hi chu an theihnghilh a ngai dawn. (Calcio Mercato – in Italian)
Everton leh Arsenal te chuan Real Betis defender Emerson Royal an thlithlai chhunzawm zel. (Sport – in Spanish)
Post a Comment