Lawngtlai 27.05.2021 : Lai Autonomous District Council a kan hotupa ber CEM motor kawl lai hi Kum 10 Chuang hret kawl a ni tawh a. Duh angin a tha tawh lova, a hlui deuh tawh avangin motor thar lak a lo tul ta a. Chu motor thar la tur chuan LADC a driver fel tak mai L.Lalremkunga, New Vengpui chu Dt 12.05.2021 khan motor thar la turin Aizawl a pan a. Aizawl Lai House ah hun eng emaw chen chu a awm a. Tichuan, Ni 18.05.2021 khan Motor la turin Vairengte lam panin, Bilkhawthlir dai ah mi thlam ah riak in hun a zuk hmang a. Ni 19.05.2021 zingah CEM motor thar la turin Vairengte lam a pan ta a.
Vairengte a thlen chuan Guwahati atangin cheng Nuai 20 man car nalh zet mai ELANTRA chu an inhlan ta a. Hemi hnu hian Car thar nen Lairam - Kan ram a Lalber motor thar nen chuan Lawngtlai lam a rawn pan ta a. Tichuan, Lai House ah Sakeilui-II a mi chu a rawn phur haw a, a rawn phurh haw hi Lai House ah thla hnih dawn a awm nghe nghe a ni. Tichuan, Ni 20.05.2021 tlai khan Lawngtlai an rawn thleng a, car thar pawh chu Council ah dah lut nghal in Home Quarantine tura tih a nih angin,a rawn phurh Hawn nen chuan an In ah Home Quarantine ta nghal a. Tichuan, ni 26.05.2021 khan RAgT test nei District Hospital, Lawngtlai chu panin a kal a. Vanduaithlak takin COVID-19 positive a ni ta hlauh mai. Tun COVID-19 thawh hnihna ah New Vengpui a positive hmasa ber a ni ta. Mahse, a Home Quarantine pui erawh a negative thung a. Amah ber a positive tak si ah chuan Covid Care Centre ah a awm a ngai a, Sekeilui-II a mi a Home Quarantine pui chu New Vengpui VLTF ten la Home Quarantine tura tih a la nih si avangin Pu L.Remkunga te In ah bawk chuan a inkhunghrang leh ta a. A hmelhriat pawh ni lo mahse, a harsatna te hriatpui in an chenna In ah chuan amah chauh in a Sekeilui-II mikhual chu a khawsa ta a ni. Pu L.Remkunga chuan, chhungkaw belh tur mumal tak a neih loh avangin kan In ah khawsa rih turin ka ti ta mai,a ti a. A ropui tak zet a ni. A hmelhriat pawh ni hauh lo, belh tur mumal tak a neih loh avanga lo chhawmdawltu ani hi a fakawm hle a ni. Positive ani tih hriat anih hian mi tam tak chuan contact tracing tih a ngai dawn ani maw an ti a. Mahse, a ni lo VLTF te thuawi takin a inkhunghrang a, tumah a contact lo ani
Tichuan, Pu L.Remkunga chu Covid Care Centre ah inenkawl turin nimin khan a lut fel ta a. Mahni inenkawl a ngai a, duh leh mamawh leina tur sum tam tak a ngai ngei ang le. Heti Chung Chung hian pa tlawmngai ani tih hi hai rual a ni lo. A chenna Veng NEW VENGPUI Village Level Task Force ta hah zia te, an inpek zia te chu hria in Rs 1000/- in CCC atangin tanpuina a hlan leh tlat hi a ropui tak zet a ni. A tanpuina sum hi a number a chhiar chuan a tam kan ti lo ani thei e. Mahse, tanpuina petu thinlung hi a ropui tak zet a, Covid hri kai lo te tan chona lian tak a ni e.
Mi thenkhat chuan Covid-19 positive an ni a, an Veng VLTF te an sel chiam a, ani erawh chuan sel aiin tanpui an ngaihna te, thawhpui an ngaihna te hria a, Triple C atanga tanpuina a hlan hi NEW VENGPUI Village Level Task Force te chuan a chungah thinglung takin lawmthu an sawi a ni.
Post a Comment