Lawngtlai 30.May,2021 : May ni 29, 2021 khan ZMC RT-PCR laboratory-ah COVID-19 positive 68 hmuhchhuah a ni a. TrueNAT laboratory-a sample test zingah COVID-19 positive 12 a awm bawk a, Rapid Antigen Test hmanga COVID-19 positive hmuhchhuah thar 249 an awm thung a ni.
Nimin khan sample test zawng zawng hi mi 4109 (mipa 2444, Hmeichhia 1665) a ni a, chung zingah chuan positive 329 hmuhchhuah thar an ni a. Sample an test atanga Positive hmuhchhuah zat hi 8% a ni. Tin, nimin vek khan positive enkawl lai mi 220 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 3089 an awm mek a. Covid-19 avanga nunna chan mi 36 an awm thung. Hri a lo len atangin hri kai mi 11988 an awm a. Heng zinga mi 7241 hi mipa an ni a, hmeichhia 4747 an ni a. Dam taka chhuak hi 8863 an ni.
Mizoram a District 11 ah hri vei enkawl lai an awm vek a. Aizawl District ah 2234, Lunglei District 170, Siaha District 36, Champhai District 33, Kolasib District 139, Serchhip District 148, Lawngtlai District 243, Mamit District 24, Khawzawl District 12, Hnahthial District 0 leh Saitual District 50 -te enkawl mek an ni.
Nimin khan ZMC RT-PCR Laboratory ah sample 1173 test niin mi 68 an positive a. Positive hmuhchhuah te hi mipa 37 leh hmeichhia 31 an ni a. Symptom nei pakhat (1) leh Symptom nei lo 67 an ni. Aizawl District - 62 leh Koloasib District -6 te an ni
TrueNat khawl hmanga positive an hmuhchhuah hi 12 an ni a. Sample 254 endik niin mipa 156 leh hmeichhia 98 an ni a. Symptom nei lo vek an ni. Serchhip Distirct -9, Kolasib District-2 leh Mamit District-1
Rapid Antigen Test hmanga hian sample 2082 endik an ni a. Mipa 1342 leh hmeichhia 740 an ni. Heng an endik atang hian Covid-19 positive 249 an awm a. An zinga mi 161 chu symptom nei an ni a, mi 88 ten symptom an nei lo thung a ni. Aizawl District -73, Kolasib district - 55, Lawngtlai District-46, Lunglei district -35, Serchhip district - 32 , Saitual district- 4, Siaha district- 2 leh Khawzawl district -2 te an ni.
Tukin zing dar 3:25 khan Pu Lalzidinga (76), Saron Veng, Aizawl chu Covid-19 Pneumonia avangin ZMC ah a boral a. Amah hi May ni 14 ah rinhleh vangin ZMC ah admit a ni a. May ni 15 ah hri a kai tih finfiah a ni.
Lawngtlai district (46)
*Kamalanagar-I (27) : Mipa 12 (kum 6 - 53) leh Hmeichhia 15 (kum 10 – 40) an ni a. Positive contact atanga hri kai mi 5 leh hri kaina chhui ngai mi 22 awmin, an zinga mi 11 hian symptom an nei an ni.
*Kamalanagar-II (16) : Mipa 10 (kum 5 - 43) leh Hmeichhia 6 (kum 18 – 60) an ni a. Positive contact atanga hri kai mi 8 leh hri kaina chhui ngai mi 8 awmin, an zinga mi 12 hian symptom an nei an ni.
*Kamalanagar-III (3) : Mipa kum 42 mi leh Hmeichhia 2 (kum 17 & 18) an ni a. Positive contact atanga hri kai niin, hmeichhe 2 hian symptom an nei a ni.
Post a Comment