India ram puma Covid-19 hri leng chuan Lawngtlai pawh min tibuai hle a, tunah hian Thingkah IR Bn. CCC ah leh Chawngte 'C' CCC ah hri vei 50 chuang an awm mek. Hei vang hian Lawngtlaiah pawh inkhuahkhirhna khauh taka kalpui mek a ni. Lawngtlaia Covid-19 hri leng mek dinhmun thlirin LADC sorkar chuan a theihna ang angin hma a la dawn
Hemi chungchanga Rauthla zawhna channgin, LADC a DM&R changtu EM Pu C. Rongura chuan, LADC sorkar chuan a theih ang angin hma an la dawn tih a sawi a, Covid-19 chungchang bikah hian budget kan neih loh avangin thiltih mai a harsa a, mahse hemi chungchang hi CEM ka sawipui ang a ti.
Inkhuahkhirhna tan a nih atangin sorkar lam Executive duty leh VLTF te ngawrh takin an duty a. VLTF phei chu pawisa neihsa nei lovin nitin a tlachawp tak meuh a duty an ni a. Tin, Covid-19 kai dinhmun thlirin CCC pawh ngaihtuah belh a ngai bawk a. Hemi chungchang pawh hi Pu C. Rongura chuan a theih ang angin kan ngaihtuah ang a ti bawk.
Post a Comment