Coronavirus hri laka invenna indaih loh laia a lo thlawna tihriral thawm a rin mek laiin, Mizoram chu India ram puma vaccine tiriral ve miah lo zingah a tel.
April 11 thleng khan India rama state leh UT-ten vaccine an dawn tawh zawng zawng chu dose vaibelchhe 10 a ni a, heng zinga dose nuai 44 chu hman lohva tihriral ani tih RTI hmanga sorkar laipui zawhna chhannah tarlan a ni.
State en emaw zatin an vaccine dawnte an tihriral nasat hle laiin tiriral maih lova an dawn ang ang hman zel state pariat zingah Mizoram chu a tel a. Mizoram bakah hian Kerela, West bengal, Himachal Pradesh, Goa, Daman & Diu, Andaman & Nicobar Islands leh Lakshadweep te chu dose pakhat mah tiriral lo an ni ve bawk.
Tamil Nadu chu vaccine an dawn tiriral hnem ber niin an dawn zinga 12% zet hmang lovin a lo thlawnin a ral a. Haryana (9.74%) Punjab (8.12%), Manipur (7.8%) leh Telengana (7.55%) chu tiriral tam an ni bawk
Post a Comment