Indian Council of Medical Research chuan Covid-19 vaccine dose lakim tawh Covid-19 hri kai leh chu mi singkhat a pahnih thum vel an ni a ti. Tunlaiin India ramin a pek Vaccine hi a thawk ṭha lo tih thawm a ring hle a, hei hi ICMR chuan thuchhuah siamin a rawn sawifiah ta a ni.
ICMR director Balram Bhargava chuan, Vaccine dose lakim tawh hnua hri kai leh chu mi tlemte, chhiar tham pawh ni lo an ni a ti a. Covaxin dose lakim tawh hnua hri kai leh hi 0.4% an ni a, Covashield dose lakim tawh hnua hri kai leh hi 0.3% chauh an ni. Vaccine dose lak kim tawh hnuah pawh mithiam leh doctor te chuan kut sil leh facemask vuah chu la ngaih pawimawh reng tur an ti a ni.
He vaccine hian hri inkai theihna a tihhniam bakah thihna a titlem a, mahse dose lak kim tawh hnuah pawh kai theih loh hulhual chu a ni bik lo tih ICMR chuan an sawi bawk.
Post a Comment