United State of America chuan India-in Covid-19 dona tan leh damlote enkawlnaa a hman turin $100m man hu tanpuina a thawn lut dawn tih nimin khan White House chuan a puang.
India in US atanga tanpuina a hmuh tur hi Oxigen cylinder 1000, N95 mask 1m leh rapid diagnostic test 1m te an ni a, heng zinga thenkhat hi vawiinah India ram a lo thlen hman beisei a ni a, karleh lamah thenkhat a lo thleng bawk ang. Hei bakah hian Covid-19 vaccine 20m chuang chu India rama thawn tum a ni mek bawk.
‘US in hun harsa tak kan tawh laiin India chuan min puih nasa em em a, an mamawh hun taka India tanpui hi kan tum a ni’ tiin White House chuan thuchhuah a siam.
Nimin thleng khan India
ramah Covid-19 avang mitthi nuai 2 chuang an awm tawh a ni.
Post a Comment