Tottenham striker Harry Kane chuan trophy lian zawk chawi a duh thu a sawi. England striker hian kum 2009 khan Tottenham hi a zawm a, he club-ah hian kum 10 chuang a khel tawh a, hemi chhung hian Spurs tan hian match 237 khel tawhin, goal 164 a thun tawh. Tun season kal lai mekah Kane hian goal 21 a khung leh tawh a, season kal lai meka goal khung tam ber a ni mek.
Hetih lai hian a khelhna Tottenham hian kum 13 chhung trophy pakhatmah an chawi lova, trophy an chawi theihna hnaivai ber chu Caraboa Cup-ah Manchester City hnenah an hloh. Kum 27 na hmang mek Harry Kane hian a career-a trophy a la chawi miah lo chu hrehawm a tih thu a sawi a, hei hian tun nipuiah Tottenham a chhuahsan ngei dawn tih lanna niin mi tam tak chuan an ngai a ni.
Harry
Kane chuan, ‘mimal chawimawina engemawzat ka dawng tawh, an hlu em em a. Mahse,
team anga kan hlawh chhuah tur chu trophy a ni’ a ti a. Trophy lian zawk chawi
a chawk thu a sawi bawk a ni.
Post a Comment