Lawngtlai District hi tun hma kha chuan 'Law less Town' tih kha a ni thin a. Khang hun lai khan sorkar in thupek a chhuah a, bawhzui a awm loh thin avangin mipuite kan inthlah zalen thin avangin, sorkar thupek ni awmzia a nei thei tak tak lo thin a ni.
Sorkar in thupek hrang hrang a chhuah a,zawm a hlawh lohna chhan hi tu vang nge ni ta ang le? Sawi tur tam tak a awm ang a,mawhpuh tur kan zawng ruai mai thei bawk a ni. Thupek chhuahtu sorkar leh mipuite'n mawh kan phur ve ve a ni.
Dan zawm hi khua leh tui tha nihna ani tih hre reng chungin dan kan zawm duh lova.Chutiang bawk in sorkar in thupek a chhuah a, zawm ani em tih pawh enzui ani lo fo thin a. Mipuite min ti zalen fo thin a, hei hi mipuite ah dan pawisak lohna a hring chhuak fo thin. Chuvangin, sorkar in mipuite zawm tur thupek a chhuah chuan enzui se, chutiang bawkin mipuite pawhin sorkar thupek chu kan zawm tur a ni tih hi vawng reng ila. Kan khawpui chu khawpui nuam takah kan siam thei ngei ang.
Tunah pawh vawk pul hri a leng a. Sorkar in vawk lakluh loh tur a ti a. Tin, vawk talhtu pawh in a vawk chu a hrisel ngei ani tih lantir nan certificate Vety Dept. hnen atangin a la tur a ni, tih te pawh a awm bawk a ni. Heng thupek pahnih hi zawm ila, vawk talh tu tan pawh hlohna a awm lovang a, mipuite pawh in ngaih ngam takin kan lei ang a. Sorkar in thupek a chhuah chu a hlawhtling ang a, hri lakah pawh kan him ngei ang. Dan zawm tha khua kan nih theih na turin sorkar leh mipuite kan tanrual a ngai hle a ni.
Post a Comment