Vawiin chawhma dar 11:00Am khan Dr.Shahlu Khaila,DVO kaihhruaina hnuaiah AH& Vety department, Siaha chuan African Swine Fever (ASF) vei vawk puitling pali (4) kap hlumin, an farm ram chhungah 10feet a thukin lei lai khuarin Chinai nen an phum bo nghal a ni.
Dr. Shahlu Khaila, DVO, Siaha chuan thu sawiin, tunlai hian Mizoram hmun hrang hrangah Vawk pul hri hlauhawm tak African Swine Fever(ASF) a leng mek a. He hri laka kan district a lo him theih nan mipuite kan fimkhur a tul hle a. Ram dang leh district pawn lam atanga vawk lak luh khapna District Magistrate thupek dinglai hi i zawm theuh ang u, tiin Siaha mipui te hnenah ngenna a siam nghal a ni.
Heng vawk pali (4) te hi tarik ni 26 March, 2021 khan Pu T. Lallawmtluanga, Siaha Vaihpi-I hnen atang a man an ni a. An thisen te lak niin District Veterinary Hospital, Siaha-ah CSF, PRRS leh ASF test neih a ni a. Hemi hnu hian confirmatory diagnosis nei turin ICAR-NIHSAD, Bhopal ah thawn leh a ni a. African Swine Fever (ASF) positive an ni tih hmuhchhuah a lo ni ta a ni.
Heng vawk pali te hi fimkhur taka kah hlum niin, phum bo nghal a ni.
Post a Comment