R.VANHNE A VAWK THI ENFIAH
Vawiin khan Vety Departmet,Ladc chuan an thudawn bawhzuiin R.Vanhne a Vawk thi an enfiah. Tukin zing Dar 8 vel khan R.Vanhne ah Vawk Damlo Pakhat a thi tih report dawn a ni a,tunlai a Mizoram hmun hrang hranga Vawk pul hri a len lai anih avangin,vawk damlo thihchhan enfiah turin Pu Sanghuliana Executive Member i/c Veterinary Department, chuan Dr.Lalnunpuia Chinzah,DCVO leh thawktu dangte
R.Vanhne hmunah hian tir nghal in, enfiah nghal a ni. R.Vanhneah hian February thla ah khan Vawk hi Pali (4) vel alo thi tawh nia report ani a,amaherawh chu Vawiina Vawk thi Postmortem leh February a vawk thi ta te awmdan atang chuan Vawk thihchhan hi Tunlaia Vawk pul hri African swine Fever (ASF) emaw PORCINE REPRODUCTIVE RESPIRATORY SYNDROM (PRRS) anilo nia hriat a ni.
Khawtlang hruaitu VC leh Vawkvulh Association te nen in kawmin ,Dr.Lalnunpuia chuan, tunlaia Vawk pul hri leng laka inven dan leh Vawkvulhna lama Vawkvulhtute hriattur pawimawhte zirtirna hun a nei nghal a ni.
Vawiina Vawkthi hi Bleaching Powder nena sawngbawlin thuk takah phum nghal ani a, atul huna hman atan vawkvulhtute hi Bleaching Powder pek nghal an ni bawk.
Veterinary Department hian Ranvulhtute te'n man tlawm zawka Ranchaw an lei theihna turin hma ala mek zela, tun atanga reiloteah hian Ran chawm hi man tlawmzawk ( subsidised rate)in Ranvulhtute hnenah pek chhuah tum a ni.
*_
Post a Comment