Vawiin Ni 22.April,2021 hian Lai Autonomous District Council a Executive Member, Sanitation Department changtu Pu Lalropuia Chinzah chuan, Lawngtlai khawpui chhunga Village Council President (VCP) te chu a Office chamber ah meeting a neih pui a.Kumin fur lo thleng tur ah khawpui chhung a thianghlim zawk dan tur leh tul pawimawh dangte hmalak ho dan tur a sawipui.
Pu Lalropuia Chinzah chuan, tun sorkar thar ah hian khawpui chhunga bawlhhlawh paih dan tur te her danglam tuma hma an lak thu VCP kalkhawm te chu a hrilh a. LADC chu reilo te ah Public-Private Partnership (PPP) mode a bawlhlawh paih leh sawngbawl chu kalpui an tum thu a sawi lang bawk a ni.
Executive Member i/c Sanitation Dept. chuan kan khawpui a lo fai a, a lo thinghlim theihna turin sorkar hmalakna atan chauh dah lova. VC te chu kawng engkim hma lak pui turin a sawm a. Mahni awmna Village Council tin ah faina leh thianghlimna lam hawi a, hma la chho zel turin a ngen bawk a ni.
He inkawmhona ah hian Local Administration Department enkawltu, Executive Member Pu T.Lalengmuana pawh telin, fur ruah tui tlai hma in, veng tin a tui hawkluan kawr te tihfai vek turin VC te chu a ngen a. Tin, mahni khawtlang mipuite pawh tuiluankawr tiping thei zawnga bawlhhlawh paih lo tur leh bungrua te dah lo tura ngen leh zirtir theuh turin a chah bawk a ni.
Vawiina Lawngtlai khawpui chhunga Village Council President theuh te leh EM te inhmuhkhawmna ah hian VCP te an tel tha hle a. Khawtlang hmasawnna tur kawnga hna an thawhna kawngah sawrkar nen thawhhona tha tak neih a, faina leh thianghlimna kawnga hmalak an tum thu VCP kalkhawm te hian an sawi bawk a ni.
Post a Comment