PRESS STATEMENT
Ruahtui a tla harin thal a na hle mai a, Zoram dung leh vangah kangmei nasa tak kan tuar a, chenna in leh sumdawnna hmun te a kang ral hi pawi kan tiin chhiattawk chhungkua leh khawtlang kan tawrhpui tak zet a ni.
Ruahsur hun mumallo te, tui harsatna tak kan tawh mek te, thal na tak mai leh kangmei rapthlak tak kan tuar mek te hi kan ramngaw leh a chhunga chengte mai bakah kan chhehvel (environment) kan enkawl dan fello tak avanga khualrel chhiatna thleng thei tam tak zing ami ani tih hre thar leh ila ; kan chhehvel a nunna nei dangte leh an chenna hmun te dimdawih tak leh duat taka enkawl tu ni theuh turin Zoram mipuite kan sawm nawn leh a ni.
Ramkang hian kan khawvel tan chhiatna nasa tak a thlen thei a, nungchate a suat nasat bakah tuihna leh ngaw in siamthar mekte a ti khawlo thei a, khawvel lum zelah nghawng thalo tak a nei thei a ni tih hria in mimal tin te kangmei tichhuak lo tur afimkhur chhuah theuh turin kan ngen tak neuh a. Tin, kangmei chhuah dan dik tak hi chiang taka chhui a, thil sual titu chu dan anga hremna pek ngei kan phut a, mipuite pawhin hnuchhuitu te leh dan kengkawhtu te lo thawhpui turin kan ngen bawk a ni.
Ramkang thelh mih anih theih nana nunna thap a beitu te kan chhuangin zahna chibai kan buk a. Zoram mipui te pawh kan ram rohlu-ramngaw leh a chhunga cheng te humhim a, siamthar leh na kawnga thawhho puiah kan sawm nghal bawk a ni.
CONSERVATION MIZORAM
Post a Comment