Lunglei-a kangmei chhuak chuan khawpui tan hlauhawm nasa takin a siam a, tlawmngaia thawkchhuakten theihtawpa kangthelh hna an thawh hnuah nimin tlai khan a zualpui an thelh fel.
Kangmei hian Zotlang a Jedaz Petrol pump a man teuh hle a, fire deptt, sipaite leh mi tlawmngaiten theihtawp an chhuah hnuah an chhan thei hram. hemi lai hian Lunglei Chanmari tlak lam, Civil Hospital thlang nasa takin a kang bawk a, hei pawh hi tlai lam khan a zualpui thelh mih a ni. Kangmei avang hian mi tam takin bungrua an inthiar chhuak a, mihring thi leh hliam, ran leh ramsa kanghlum hriat a ni hrih lo.
Kangthelh tur hian mi tam takin tui chawi turin lirthei an thawhchhuah pui a, PHE deptt pawhin an tui khawlsa kang thelhnan an hmang bawk.
Aizawl atangin Fire & Emergency Service pun an nih angin nimin la la khan motor pahnih leh thawktu 7 te chuan Lunglei an pan a, Addl DC M Misael chuan kangmei in\an dan hi uluk taka chhui mek anih thu leh hun remchang hmasa berah kang mei chhuahna veng VC leh YMA hruaitute ko in he thil hi an sawiho tur thu a sawi.
Nimin vek khan hief minister Zoramthanga pawhin kang\helh tur hian IAF hotute a bia a, IAF chuan puih an inhuam thu an hrilh.
Thil awmdan thlithlai turin EF&CC minister TJ Lalnuntluanga leh Serlui bialtu MLA Lalrinsanga Ralte te chu awm hmunah vil a, a tul ang ang buaipui turin nimin tlai khan Lunglei an pan bawk
Post a Comment